1 Bakyabazinga 18:12 - Baibuli Ekibono kya Katonda 2014

¹² Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

1 Bakyabazinga 18:12 ပူးပေါင်းရင်းမြစ်များ

1 Bakyabazinga 18:11

Mpegaano iwe oli kunkoba nje nkobere musengwa wange nti oli ghano.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

2 Bakyabazinga 2:16

baamukoba bati: “Bona eno, ife abagheereza bo tuli ghano n'abasaadha amakumi ataanu ab'amaani. Tukweghemba obaganhe baje, baagale musengwa wo. Kisoboka okuba nti omwoyo gwa Musengwa Katonda gwamubbeedie gwamuta ku lusozi, oba mu kiiko.” Elisha yaabairamu ati: “Busa, mutabatuma.”

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Zabbuli 71:5

Wo Musengwa Katonda, niiwe mwe nsuubirira era nakwesiga ira okuva mu buto bwange.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Omulangirizi 7:18

Kirungi weefugenga, olobenga kubitiriza mu ebyo byombi, kuba oyo atya Katonda aja kuwona ebyo byonabyona.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Ezekieli 11:24

Agho omwoyo gwa Katonda gwambeeda nga ndi mu kubonekerwa okwo, gwandhizaayo y'abaali mu bunhage e Babilonia. Olwo bye nabona mu kubonekerwa byakoma agho.

Ezekieli 37:1

Agho amaani ga Musengwa Katonda gandidhaku, era omwoyo gwa Musengwa Katonda oyo gwantwala gwandhisa mu kiiko ekyali kiidhwire amagumba.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Matayo 4:1

Agho Mwoyo yaatwala Yesu mu irungu, Sitaani amukeme.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Ebikolwa by'Abatume 12:19

Herode bwe yamwagala n'atamubona yaawozesa abaisirukale, yaalagira babaite. Agho Herode yaava e Buyudaaya yaikirira e Kaisaria yaaba eyo.

Ebikolwa by'Abatume 8:39

Bwe baava mu maadhi, Mwoyo wa Musengwa yaatwala Filipo. Omulaawe tiyairayo kumubona aye yeeyongerayo mu lugendo lwe nga musangaavu.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

1 Samueli 16:2

Samueli yaakoba ati: “Nsobola ntya okuja eyo? Saulo bw'alikiwulira aja kundhita!” Musengwa Katonda yaamukoba ati: “Ja n'ente ento, olikoba oti, ‘Ndidhie kughaayo musengo eri Musengwa Katonda.’

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:26

Agho omulenzi Samueli yeeyongera okukula n'okugonzebwa Musengwa Katonda n'abantu.