1 Bakyabazinga 17:18 - Baibuli Ekibono kya Katonda 2014

¹⁸ Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 17:18 ပူးပေါင်းရင်းမြစ်များ

Amainhama 44:16

Yuda yaakoba ati: “Tunaakukoba ki musengwa? Tunaayogera ki? Oba tunaawoza tutya? Katonda ayoleike nga gutusinze. Mpegaano tuli bairu bo, musengwa, ife era n'oyo ayagaaniibwa n'ekikopo.”

Amainhama 50:15

Baganda ba Yosefu bwe baabona nga iseibwe amaze okufa, baakoba bati: “Tomanha Yosefu bw'atukyagha, ni yeesasuuza olw'ebibi bye twamukola!”

Amainhama 50:17

yatukoba tukusabe osonighe omusango n'ebibi bya baganda bo, kuba bye baakukola bibi inho. Mpegaano tukweghembye, tusonighe ebibi bye twakukola, ife abagheereza ba Katonda wa lata wo.” Yosefu yaalira amaziga bwe baamukoba ebyo.

2 Samueli 16:10

Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Samueli 19:22

Aye kyabazinga Daudi yaamukoba ati: “Ye mumbeereire ki imwe abaana ba Zeruia? Lwaki mwenda okundeetaku obuzibu olwaleero? Mudhuuba muti ghaligho anaitibwa mu Isiraeli olwaleero luno? Nkiidhi bukalamu nti mperaano ninze kyabazinga wa Isiraeli.”

1 Bakyabazinga 12:22

Aye Katonda yaakoba omusaadha we Shemaia ati:

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Bakyabazinga 17:17

Nga ghabiseeghooku entangama, omwana w'omukazi oyo mwene ndhu, yaalwala. Obulwaire bwamutaamirira, yaawaamu n'akagheera.

1 Bakyabazinga 17:19

Eliya yaamukoba ati: “Leeta omwana wo.” Agho yaamumutoola mu kifuba, yaamubbeeda yaamutwala mu kisenge ekya ghaigulu mu kalina, mwene ye yasulanga, era yaamulambaaza ku buliri bwe bwene.

1 Bakyabazinga 18:9

Obadia yaakoba ati: “Kibi ki kye nakola memale oyende okumpaayo ye kyabazinga Ahabu andhite?

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

2 Bakyabazinga 1:9

Agho kyabazinga yaatuma omusaadha akulira abaisirukale amakumi ataanu, aje n'abaisirukale be amakumi ataanu, aleete Eliya. Omusaadha oyo yaaja yaaniina olusozi, yaayagaana Eliya ng'atyaime ku ngulu ku lusozi olwo. Yaamukoba ati: “Muntu wa Katonda iwe, kyabazinga alagiire ati, ‘Va ghaigulu ku lusozi oike.’ ”

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

2 Ebyomubyanda 35:21

Aye Neko yaamugheereza abakwenda ng'akoba ati: “Ku iwe kyabazinga wa Buyudaaya ni ku nze, naani ali n'ensonga ku mwine? Nze leero tiidhie kulwanisa iwe. Ndidhie kulwanisa bazigu bange, era Katonda andagiire okwangughaku. Katonda ali ghalala ninze, kale loba kumulwanisa, olwo aleke okukuzikiriza.”

Yobu 13:23

Ndholeka ensobi dhange n'okudaaliima kwange. Nkobera obudheemu bwange n'ekibi kyange.”

Yobu 13:26

Onumiriza emisango emikakali, wanvunaana n'ensobi edh'omu buvubuka bwange.

Okubala 5:15

Bwe kinaabanga kityo, iba anaamutwalanga ye kabona era yaatwala n'ekigheebwayo ekimwetaagibwaku nga kya kilo ndala ey'obuwunga bwa sayiri, aye taabufukengaku muzigo waire okubutaaku obubbaani, kuba ekyo n'ekigheebwayo eky'emere ey'empeke olw'eibuba, ekigheebwayo olw'okwidhusa ekibi.

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Mariko 5:7

era yaayasiikana ati: “Yesu Omwana wa Katonda Ali Ghaigulu Yeene onhendeza ki? Mu ga Katonda otandaazadaaza!”

Mariko 6:16

Herode olwakiwulira yaakoba ati: “Yoanne ye natemaku omutwe n'oyo azuukiire!”

Luka 4:34

“Tuleke, otwendeza ki, Yesu Omunazarethi? Oidhie kutuzikiriza? Nze nkwidhi, niiwe omutukuvu wa Katonda.”

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Luka 8:28

Bwe yabona Yesu, yaagwa agho mu maiso ge era yaaleekaanira ghaigulu ati: “Yesu Omwana wa Katonda Ali Ghaigulu Yeene, onhendeza ki? Nkweghembye otandaazadaaza.”

Yoanne 2:4

Yesu yaamwiramu ati: “Mukazi iwe, ombeereire ki? Ekiseera kyange kikaali kutuuka.”

Abalamuzi 13:6

Agho omukazi yaaja, yaakobera iba ati: “Omuntu wa Katonda aidhie ye ndi, ng'amaiso ge gatiisa inho ng'oti ga malaika wa Katonda. Timubuuziiza y'aviiriire, era tankobeire liina lye.

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”