1 Bakyabazinga 17:15 - Baibuli Ekibono kya Katonda 2014

¹⁵ Omukazi yaaja yaakola nga Eliya bwe yamukoba. Agho omukazi oyo, n'Eliya, ghalala n'ab'endhu y'omukazi oyo, baaba n'emere ey'okulya, okumala enaku kamaala.

1 Bakyabazinga 17:15 ပူးပေါင်းရင်းမြစ်များ

Amainhama 12:4

Kale Aburamu yaaja nga Musengwa Katonda bweyamukoba ni Loti yaaja naye. Aburamu ghe yaviira e Harani yali agheza emyaka nsanvu n'etaanu (75) egy'obukulu.

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

Amainhama 6:22

Noa yaakola ebyo byonabyona Katonda bye yamulagira.

1 Bakyabazinga 17:14

kuba Musengwa Katonda, Katonda wa Isiraeli akoba ati, ‘Obuwunga obw'engaano mu kaibo ako tibuja kuwaagho, n'akadoome ak'omuzigo tikaja kuwaamu, okutuusa ng'olunaku Musengwa Katonda lw'anaagwisa amaadhi ku nsi lutuuse.’ ”

1 Bakyabazinga 17:16

Obuwunga obw'engaano tibwawa mu kaibo, n'akadoome tikaawaamu muzigo, nga Musengwa Katonda bwe yakoba ng'abita mu Eliya.

2 Bakyabazinga 4:5

Kale omukazi yaava ye Elisha, yaaja yaingira mu ndhu ye ni batabane be, beigalizaamu. Yaagema akadoome ak'omuzigo, yaatoolera okwitulula nga batabane be bwe bamuleetera ebidoome eby'okwitululiramu.

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Matayo 15:28

Agho Yesu yaamukoba ati: “Mukazi iwe okwikiriza kwo kunene! Kikukolerwe nga bw'oyenda.” Era okuva ku saawa eyo omughala yaawona.

Mariko 12:43

Agho yaayeta Abeegeresebwa be yaabakoba ati: “Bwenebwene mbakobera nti namwandu ono omwavu atairemu kinene omuteebwa ebiwongebwa okusinga boonaboona

Yoanne 11:40

Yesu yaamukoba ati: “Tyakukobeire nti wandiboine ekitiisa kya Katonda nguli oikiriza?”

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati: