1 Bakyabazinga 17:1 - Baibuli Ekibono kya Katonda 2014

¹ Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 17:1 ပူးပေါင်းရင်းမြစ်များ

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

1 Bakyabazinga 17:2

Agho Musengwa Katonda yaakoba Eliya ati:

1 Bakyabazinga 18:1

Nga ghabiseeghooku ekiseera, Musengwa Katonda yaakoba Eliya mu mwaka ogwokusatu ogw'endoboozi, ati: “Ja weeyoleke y'Ahabu. Ndidha kugwisa amaadhi ku nsi.”

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

1 Bakyabazinga 18:15

Eliya yaakoba ati: “Ndayira mu Musengwa Katonda omulamu Afuga Amagye, ye mpeereza, nti bwenebwene ndidha kweyolekera kyabazinga olwaleero.”

1 Bakyabazinga 22:14

Aye Mikaia yaakoba ati: “Ndayira mu Musengwa Katonda omulamu nti, ndidha kwogera ekyo Musengwa Katonda oyo ky'anankoba okwogera.”

1 Bakyabazinga 8:35

“Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye olumaliira ni balekayo okukola ebibi ng'omaze okubabonereza, ni bakweghemba nga balingiriire ekifo kino,

2 Bakyabazinga 1:3

Aye malaika wa Musengwa Katonda yaakoba omulanzi Eliya ow'e Tishubi, ati: “Situka oje y'abakwenda ba kyabazinga Ahazia, obakobe oti, ‘Obwo muli kuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda?

2 Bakyabazinga 3:14

Elisha yaakoba ati: “Ndayira mu Musengwa Katonda omulamu Afuga Amagye ye mpeereza, nti ngoli ti kugemerwa nsoni Yehoshafati kyabazinga wa Buyudaaya, tyandikufiireku naire, waire okukulingaku obulinge.

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 5:16

Elisha yaakoba ati: “Ndayira mu Musengwa Katonda omulamu ye mpeereza nti tiidha kubaaku kintu kye ntwala waire ekirala.” Naamani yaamwegayirira inho akitwale, aye yaaloba.

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

2 Ebyomubyanda 21:12

Agho omulanzi Eliya yaagheereza Yeroboamu embaluwa ng'ekoba eti: “Musengwa Katonda, Katonda wa dhaadha wo Daudi akoba ati, waloba okwebisanga obukalamu nga lata wo Yehoshafati bwe yakolanga, era nga dhaadha wo Asa kyabazinga wa Buyudaaya yeena bwe yakolanga.

2 Ebyomubyanda 6:26

“Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye ku nkomerero ni bamala balekayo okukola ebibi ng'omaze okubabonereza, era ni bakweghemba nga balingiriire ekifo kino,

Yobu 12:15

Bw'alobera amaadhi okugwa, ghabaagho endoboozi; bw'agaleka ni gagwa, omwidhuzo gughemba ensi.

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 15:19

Agho Musengwa Katonda yankoba ati: “Bw'onaira ye ndi, zeena ndidha kukwiza obe wange ompeerezenga. Bw'onaalekera okwogera ebiziramu makulu, n'oyogeranga eby'amakulu, oidha kwiramu okuba omulanzi wange. Abantu baidha kwidhanga y'oli, se ti iwe okujanga ye bali.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Haggai 1:10

Kyova eigulu ligemereire amaadhi obutagwa, n'eitaka lyaloba kubaza birime.

Matayo 11:14

Era oba nga mwenda okukimanha oyo ni Eliya ow'okwidha.

Matayo 16:14

Baakoba bati: “Abandi bamweta Yoanne Omubatiza, abandi Eliya, ate abandi Yeremia, oba omulanzi ng'abalanzi abandi.”

Matayo 27:47

Abandi ku baali beemereire agho olwakiwulira baakoba bati: “Ali kweta Eliya!”

Matayo 27:49

Aye abandi baakoba bati: “Leka tubone oba nga Eliya anaidha okumuwonia.”

Matayo 7:29

kuba yali abeegeresa nga mwene buyinza, ti ng'Abanamateeka baibwe.

Luka 1:17

Alyembereramu Musengwa mu mwoyo n'amaani ng'oti n'Eliya bye yali nabyo, emyoyo gya badhaadha agiitukize mu baidhukulu, abadheemu abaize mu magezi ag'abatuufu, ateeregho atyo Musengwa abantu abeetegefu.”

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Luka 9:30

Okuja okubona nga ghaligho abasaadha babiri Musa ni Eliya, be yali ali kwogera nabo.

Luka 9:33

Agho abasaadha bwe baava aghali Yesu, Petero yaamukoba ati: “Musengwa, tulongoire twaba ghano, era ka tuseemente entindi isatu: eyiyo, eya Musa, n'eya Eliya.” Yali taidhi ky'ali kukoba.

Luka 9:54

Abeegeresebwa be, Yakobo ni Yoanne bwe baabona ekyo, baakoba bati: “Musengwa, wandyenze tulagire omuliro guve mu igulu gubazikirize?”

Yoanne 1:21

Baamubuuza bati: “Memale oli ani? Niiwe Eliya?” Yairamu ati: “Busa, ti ninze.” Baayongera okumubuuza bati: “Niiwe Omulanzi ole?” Yairamu ati: “Busa.”

Yoanne 1:25

Agho ni baamukoba bati: “Oba nga ti niiwe Kurisito, oba Eliya, oba Omulanzi ole, memale lwaki obatiza?”

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ab'e Roma 11:2

Katonda taziranga bantu be abo be yamanha eira. Mwidhi ebyaghandiikibwa bwe byogera ku Eliya bwe yasaba Katonda olwa Isiraeli ati:

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Yakobo 5:17

Eliya yali muntu buntu ng'oti niife. Yasaba inho amaadhi galobe kugwa era emyaka gyabitagho esatu n'emyezi mukaaga ng'ezira liidhi litoonha ku nsi.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.

Abalamuzi 12:4

Agho Yefutha yaasoloza abasaadha boonaboona ab'e Gileadi, yaalwanisa Abaefuraimu yaabaghangula kuba Abaefuraimu baali nga bakobye bati: “Imwe Abagileadi abali mu Efuraimu ni mu Manasse, mwalumuka ku Efuraimu.”