1 Bakyabazinga 16:8 - Baibuli Ekibono kya Katonda 2014

⁸ Mu mwaka ogwamakumi abiri n'omukaaga (26) ogwa Asa nga n'afuga Buyudaaya, Ela mutabane wa Baasha yaafuuka kyabazinga wa Isiraeli, era yaafugira entangama ya myaka ebiri mu Tiruza.

1 Bakyabazinga 16:8 ပူးပေါင်းရင်းမြစ်များ

1 Bakyabazinga 15:16

Asa kyabazinga wa Buyudaaya oyo ni Baasha kyabazinga wa Isiraeli, baalwanagananga mu ntalo mu kiseera kyonakyona eky'obufuzi bwaibwe.

1 Bakyabazinga 15:33

Agho mu mwaka ogwokusatu ogwa kyabazinga Asa nga n'afuga Buyudaaya, Baasha mutabane wa Ahiya yaafuuka kyabazinga wa Isiraeli yoonayoona, era yaafuga okumala entangama ya myaka amakumi abiri n'ena, ng'aba e Tiruza.

1 Bakyabazinga 16:15

Mu mwaka ogwamakumi abiri n'omusanvu (27) ogwa kyabazinga Asa nga n'afuga Buyudaaya, Zimuri yaafuuka kyabazinga, era yaafuga okumala entangama ya nnaku musanvu e Tiruza. Abaisirukale Abaisiraeli baali nga bazingiiza ekibuga Gibbethoni eky'Abafilisiti okukyezunguluza.

1 Bakyabazinga 16:21

Agho Abaisiraeli beesalamu ebitundu bibiri: abandi nga benda Tibuni mutabane wa Ginathi ye babe bafuule kyabazinga, ate abandi nga benda Omuri.

1 Bakyabazinga 16:23

Kale kyaba nti, mu mwaka ogwamakumi asatu n'omulala (31), ogwa kyabazinga Asa nga n'afuga Buyudaaya, Omuri yaafuuka kyabazinga wa Isiraeli, era yaafuga okumala entangama ya myaka ikumi n'ebiri. Ku myaka egyo eikumi n'ebiri, omukaaga yaagifugira mu Tiruza.

1 Bakyabazinga 16:6

Agho Baasha yaafa, yeeyimba ku badhaadha be abaafa, era yaaziikibwa e Tiruza. Mutabane we Ela, yaamusikira ku bwakyabazinga.

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

2 Bakyabazinga 15:14

Agho Menahemu mutabane wa Gadi, yaava e Tiruza yaaja e Samaria, yaita Shallumu, yaafuga mu kifo kye.

2 Bakyabazinga 15:23

Mu mwaka ogwamakumi ataanu (50) nga kyabazinga Uzzia n'afuga Buyudaaya, Pekahia mutabane wa Menahemu yaafuuka kyabazinga wa Isiraeli. Yaafugira mu Samaria okumala entangama ya myaka ebiri.

2 Bakyabazinga 21:19

Amoni yali agheza emyaka amakumi abiri n'ebiri egy'obukulu ghe yafuukira kyabazinga wa Buyudaaya, era yaafuga okumala entangama ya myaka ebiri mu Yerusalemu. Inhina yali nga ni Meshullemethi, mughala wa Haruzi ow'e Yotiba.

Ensambo 28:2

Ensi erimu aboonooni ebaamu abafuzi kamaala, aye bweghabaagho abafuzi abategeevu era abagezi, ebaamu emiraala.