1 Bakyabazinga 16:31 - Baibuli Ekibono kya Katonda 2014

³¹ Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

1 Bakyabazinga 16:31 ပူးပေါင်းရင်းမြစ်များ

Amainhama 30:15

Leeya yairamu ati: “Wamala okuntoolaku baze. Ekyo tikikumala? Mpegaano oyenda na kuntoolaku mandurake w'omwana wange.” Rakeli yaamukoba ati: “Bw'ompa mandurake w'omwana wo, Yakobo anaaba n'iwe obwire buno.”

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

2 Bakyabazinga 10:18

Agho Yehu yaayeta abantu boonaboona beesoloza, yaabakoba ati: “Ahabu yasinzanga omusambwa Baali katono, aye nze ndidha kugusinza okusingagho.

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 21:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaataagho alutaari edh'okusinzizaaku omusambwa Baali, era yaakola ekifaananie eky'omusambwa omukazi Ashera, nga kyabazinga Ahabu owa Isiraeli bwe yakola. Yaasinzanga eby'oku igulu byonabyona era yaafuuka mugheereza waabyo.

2 Bakyabazinga 3:2

Yaakola ebibi eri Musengwa Katonda, aye tibyatuuka ku bya lata we na bya inhina kuba yamenhagho empango y'omusambwa Baali, lata we ye yakola.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

2 Ebyomubyanda 21:13

Aye weebisanga bubi nga bakyabazinga ba Isiraeli bwe baakolanga, waaleetera abantu b'omu Yerusalemu n'ab'omu Buyudaaya boonaboona okuva ku Musengwa Katonda, ng'oti ni Ahabu n'ab'endhu ye bwe baaleetera Abaisiraeli okuva ku Musengwa Katonda oyo. Era okwo waayongeraku n'eky'okwita baganda bo, abaana ba lata wo mwene, abaali abantu abakalamu okusinga n'iwe.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Ezekieli 16:20

“Era waatoola batabane bo ni baghala bo be wanzaalira, waabaghaayo ye biri ng'emisengo egyokebwa. Olowooza oti ekya iwe obutaba mwesigwa ye ndi kyali kitono,

Ezekieli 16:47

Aye tikyakumala kwebisa nga beene, oba okukola ebyenhinhalwa nga beene kuba ghaabitagho bwa kaseera katono, waayonooneka n'okubasinga mu byonabyona by'okola.

Ezekieli 34:18

Abandi ku imwe okulya eisubi eirungi tikubamala, mutaaku n'okutyankirira n'ebigere eryo lye mutaliire. Era bwe mumala okunhwa amaadhi amalaavu, mutaabuula n'ebigere ago agasigairegho.

Ezekieli 8:17

Musengwa Katonda era yambuuza ati: “Iwe omuntu, oboine ebyo? Abantu b'omu Buyudaaya bakibona nga kintu kitono inho okukola ebyenhinhalwa ebyo bye bakola ghano. Bongera okwo n'okwidhuza ensi eno ebikolwa eby'obukambwe, era bansoononkereza nhongere okubasungughalira. Kale bona nga bwe bandhooga mu nsambo esingayo kuba ya bunhoomi.

Hosea 2:15

Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Okubala 16:9

Mukibona nga kintu kitono, Katonda wa Isiraeli okulonda imwe mu bantu be Abaisiraeli boonaboona n'abaseesa okumpi ni mwene, mugheerezenga mu Weema ye era mwemererenga mu maiso g'abantu be abo okubagheereza?

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Okwolekebwa 2:20

Aye kye ntasiima ni kino: Oleka omukazi Yezebeli, eyeeyeta omulanzi, yaayegeresa era yaakiidhamya abagheereza bange. Baakola eby'obudankaanu era baalya ebigheereibwayo eri ebisinzibwa ebitali Katonda.

Abalamuzi 1:31

Ab'ekika kya Asheri tibaabinga batyamye ba mu bibuga bino: Akko, ni Sidoni, ni Ahalabu, ni Akazibu, ni Afiki, ni Rehobu.

Abalamuzi 10:12

n'Abasidoni, n'Abamaleki, n'Abamoani? Bwe mwandirira tyabawonia?

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 2:11

Agho Abaisiraeli baayonoona ye Musengwa Katonda, baasinza emisambwa egyetebwa Baali.

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.