1 Bakyabazinga 16:28 - Baibuli Ekibono kya Katonda 2014

²⁸ Agho yaafa, yeeyimba ku badhaadha be abaafa, era yaaziikibwa mu Samaria. Mutabane we Ahabu, yaamusikira ku bwakyabazinga.

1 Bakyabazinga 16:28 ပူးပေါင်းရင်းမြစ်များ

1 Bakyabazinga 16:24

Yaagula ku Shemeri olusozi Samaria ebitundu kakaaga (6,000) ebya feeza, yaaluzimbaku ekibuga. Ekibuga ekyo kye yaluzimbaku yaakituuma eriina Samaria, ng'ajiira ku liina lya Shemeri eyali mwene lusozi olwo.

1 Bakyabazinga 16:27

Ebindi byonabyona Omuri bye yakola eby'amaani, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 16:29

Mu mwaka ogwamakumi asatu n'omunaana (38) ogwa kyabazinga Asa nga n'afuga Buyudaaya, Ahabu mutabane wa Omuri yaafuuka kyabazinga wa Isiraeli, era yaafuga Isiraeli ng'ali mu Samaria okumala entangama ya myaka amakumi abiri n'ebiri.

1 Bakyabazinga 16:6

Agho Baasha yaafa, yeeyimba ku badhaadha be abaafa, era yaaziikibwa e Tiruza. Mutabane we Ela, yaamusikira ku bwakyabazinga.

2 Bakyabazinga 10:1

Ahabu yaliku abaana nsanvu mu kibuga Samaria. Kale Yehu yaaghandiika embaluwa, yaadhigheereza mu Samaria, eri abafuzi b'ekibuga, n'abakulembeze, n'abakuza ab'abaana n'abaidhukulu ba Ahabu, ng'akoba ati:

2 Ebyomubyanda 22:2

Yali agheza emyaka amakumi ana n'ebiri (42) egy'obukulu, era yaafugira entangama ya mwaka mulala mu Yerusalemu. Inhina yali nga ni Athalia mughala wa kyabazinga Ahabu, era mwidhukulu wa kyabazinga Omuri owa Isiraeli.