1 Bakyabazinga 16:18 - Baibuli Ekibono kya Katonda 2014

¹⁸ Zimuri bwe yabona ng'ekibuga bakighambye, yaingira mu kifo eky'okwewogomamu eky'omu kisaagaati kya kyabazinga. Agho yaakunaania ku kisaagaati ekyo omuliro, ni mwene yeeyokeramu, yaafa.

1 Bakyabazinga 16:18 ပူးပေါင်းရင်းမြစ်များ

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

1 Bakyabazinga 16:17

Kale Omuri oyo n'Abaisiraeli boonaboona, baava e Gibbethoni, baaja baazingiza ekibuga Tiruza okukyezunguluza.

2 Bakyabazinga 15:25

Agho omuduumizi ow'eigye lye ayetebwa Peka, mutabane wa Remalia, yaakola olukwe n'abasaadha amakumi ataanu abaava e Gileadi, yaamwitira e Samaria mu kifo eky'okwewogomamu eky'omu kisaagaati kya kyabazinga. Olwo Peka oyo yaafuuka kyabazinga mu kifo kya Pekahia.

2 Bakyabazinga 9:31

Yehu bweyali ng'ali kwingira mu mulyango, Yezebeli yaamweta ati: “Iwe Zimuri eyatemula musengwa wo, oidhie lwa miraala?”

Matayo 27:5

Agho Yuda yaasuula ebitundu bya feeza bire mu isinzizo. Yaava agho, yaaja yeetuga.

Abalamuzi 9:54

Agho Abimeleki yaayangugha okweta omwisuka eyamugemeranga eby'okulwanisa bye, yaamulagira ati: “Sowolayo empiima yo ondhite, abantu balobenga kundhogeraku bati mukazi n'eyandhita.” Kale omwisuka yaamufumita yaafa.