1 Bakyabazinga 15:27 - Baibuli Ekibono kya Katonda 2014

²⁷ Agho Baasha mutabane wa Ahiya ow'omu kika kya Issakari, yaalya mu Nadabu oyo olukwe era yaamwitira e Gibbethoni eky'Abafilisiti, Nadabu oyo n'Abaisiraeli boonaboona kye baali bazingiiza okwezunguluza.

1 Bakyabazinga 15:27 ပူးပေါင်းရင်းမြစ်များ

1 Bakyabazinga 14:14

Ate era olwaleero luno, Musengwa Katonda aja kweteeragho kyabazinga ow'okufuga Isiraeli. Kyabazinga oyo alisaaniagho ab'endhu ya Yeroboamu boonaboona.

1 Bakyabazinga 15:28

Yamwita mu mwaka ogwokusatu ogwa kyabazinga Asa nga n'afuga Buyudaaya. Kale Baasha yaasikira Nadabu oyo ku bwakyabazinga bwa Isiraeli.

1 Bakyabazinga 16:10

Zimuri yaingira, yaamufumita yaamwita. Agho Zimuri oyo yaamusikira ku bwakyabazinga, mu mwaka ogwamakumi abiri n'omusanvu (27) ogwa kyabazinga Asa nga n'afuga Buyudaaya.

1 Bakyabazinga 16:15

Mu mwaka ogwamakumi abiri n'omusanvu (27) ogwa kyabazinga Asa nga n'afuga Buyudaaya, Zimuri yaafuuka kyabazinga, era yaafuga okumala entangama ya nnaku musanvu e Tiruza. Abaisirukale Abaisiraeli baali nga bazingiiza ekibuga Gibbethoni eky'Abafilisiti okukyezunguluza.

1 Bakyabazinga 16:16

Era ab'amagye abo bwe baawulira nga Zimuri yaliire mu kyabazinga olukwe yaamwita, ku lunaku lwene olwo boonaboona, baafuula Omuri omuduumizi w'eigye okuba kyabazinga wa Isiraeli.

1 Bakyabazinga 16:17

Kale Omuri oyo n'Abaisiraeli boonaboona, baava e Gibbethoni, baaja baazingiza ekibuga Tiruza okukyezunguluza.

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

2 Bakyabazinga 12:20

Abakungu be baakola olukwe baamwitira mu ndhu ey'omu kifo ekyaidhuzibwamu eitaka ekyetebwa Millo, ku ngira eja e Silla.

2 Bakyabazinga 12:21

Abakungu be, Yozakari mutabane wa Shimeathi ni Yehozabadi mutabane wa Shomeri, n'abaamufumita, n'afa. Era baamuziika mu badhaadha be abaafa, mu kyetebwa Ekibuga kya Daudi. Mutabane we Amazia yaamusikira ku bwakyabazinga.

2 Bakyabazinga 9:14

Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

2 Ebyomubyanda 24:25

Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.

Yoshua 19:44

Eliteke, Gibbethoni, Baalathi,

Yoshua 21:23

Era baagheebwa ebibuga bina nga bitoolebwa ku Badani, nga ni bino: Eliteke, Gibbethoni,