1 Bakyabazinga 15:26 - Baibuli Ekibono kya Katonda 2014

²⁶ Yaakola ebibi eri Musengwa Katonda nga lata we bwe yakola n'ayonoona, era n'aleetera ni Isiraeli okwonoona.

1 Bakyabazinga 15:26 ပူးပေါင်းရင်းမြစ်များ

Amainhama 20:9

Agho yaayeta Aburahamu yaamubuuza ati: “Kiki kino ky'otukoze? Nakukola kibi ki memale ondeetere nze n'obwakyabazinga bwange ekibi ekyaga agho? Kye wakoze ti n'ekigwaine okukolwa.

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 15:30

Ebyo byaligho olw'ebibi Yeroboamu bye yakola, n'aleetera Isiraeli okwonoona, era n'asungughaza Musengwa Katonda, Katonda wa Isiraeli.

1 Bakyabazinga 15:34

Yaakola ebibi eri Musengwa Katonda nga Yeroboamu bye yakola, n'aleetera Isiraeli okwonoona.

1 Bakyabazinga 16:19

Yafa olw'ebibi bye, bye yakola eri Musengwa Katonda nga Yeroboamu bwe yakola, n'aleetera Isiraeli okwonoona. Zimuri oyo yakola nga Yeroboamu bwe yakola, yaasungughaza Musengwa Katonda olw'ebibi bye mwene bye yakola, era yaamusungughaza olw'okuleetera Isiraeli okwonoona.

1 Bakyabazinga 16:30

Ahabu oyo mutabane w'Omuri, yaakola ebibi eri Musengwa Katonda, okusinga n'abaamusooka boonaboona.

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 21:22

Ab'endhu yo ndibakola nga bwe nakola ab'endhu ya kyabazinga Yeroboamu mutabane wa Nebati. Era ndibakola nga bwe nakola ab'endhu ya kyabazinga Baasha mutabane wa Ahiya kuba wasiikuula obusungu bwange, ng'oleetera Isiraeli okwonoona.’

1 Bakyabazinga 22:52

Yaakola ebibi eri Musengwa Katonda, ng'ajiira ku mpisa embi edha lata we Ahabu, n'edha inhina Yezebeli, n'edha kyabazinga Yeroboamu mutabane wa Nebati eyaleetera Isiraeli okwonoona.

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 23:15

Kyabazinga Yosia yaamenhagho n'ekifo ekigulumivu eky'okusinzizaamu ekyali e Betheli, kyabazinga Yeroboamu mutabane wa Nebati kye yazimba n'aleetera Isiraeli okwonoona. Yosia oyo yaamenhagho alutaari ghalala n'ekifo ekyo ekigulumivu eky'okusinzizaamu, yaamulungula amabaale ge baabizimbisa gaafuuka bwa nkungu, era yaayokya n'ekifaananie ky'omusambwa omukazi Ashera.

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

Okuvaayo 32:21

Musa yaabuuza Aaroni ati: “Bwenebwene abantu bano baakukola ki memale obaleeteku ekibi ekikologho ekyo?”

Yeremia 32:35

Era baaja baazimbira omusambwa Baali ebifo ebigulumivu eby'okusinzizaamu, mu kyetebwa Ekiiko ekya mutabane wa Hinnomu, baayokeranga okwo batabane baibwe ni baghala baibwe n'omuliro. Ate nga nze tibalagirangaku kukola kintu kyenhinhalwa ekyo, waire okukirowoozaaku obulowooze mu mwoyo gwange. Kale baaleetera abantu b'omu Buyudaaya okwonoona.”

Ab'e Roma 14:15

Bw'onakughaza owoluganda olw'eky'okulya, oba nga tokaakolera ku kugonza. Eky'okulya ky'olya kitaleeteranga muntu Kurisito ye yafiirira kuzikirira.

1 Samueli 2:24

Mulekere agho, baana bange! Ebintu bye mpulira ng'abantu baboogeraku eyo, ti bikalamu naire.