1 Bakyabazinga 15:23 - Baibuli Ekibono kya Katonda 2014

²³ Ebindi byonabyona Asa bye yakola eby'amaani, n'ebibuga bye yazimba, byaghandiikibwa mu Kitabo ky'Ebyomubyanda bya Bakyabazinga ba Buyudaaya. Aye mu biseera eby'obukaire bwe, yalwala ebigere.

1 Bakyabazinga 15:23 ပူးပေါင်းရင်းမြစ်များ

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Ebyomubyanda 14:14

Baazikiriza ebibuga byonabyona ebyetooloire Gerari, kuba abantu baayo Musengwa Katonda yabaleetera okutya. Baanhagulula ebibuga ebyo byonabyona, kuba byalimu ebintu kamaala eby'okunhaga.

2 Ebyomubyanda 14:7

Yaakoba abantu b'omu Buyudaaya ati: “Ka tuzimbe ebibuga bino, tubyezunguluzeeku n'ebimante ebigumu, tubizimbeku n'ebituuti ebirengererwaku, era tubiteeku n'endhigi edhiriku ebisiba munda. Ensi eno ekaali yaife, kuba twakola Musengwa Katonda waife by'ayenda. Twakola by'ayenda kyeyava n'atugha emiraala ku ndhuyi dhaife dhoonadhoona.” Kale baazimba, era ebintu byabajiiranga bukalamu.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.