1 Bakyabazinga 15:17 - Baibuli Ekibono kya Katonda 2014

¹⁷ Kyabazinga Baasha owa Isiraeli yaalumba Buyudaaya. Yaazimba ekimante ekigumu okwezunguluza ekibuga Rama, ghalobe kubaagho ava mu Buyudaaya, waire ajaayo okutuuka ku kyabazinga waayo Asa.

1 Bakyabazinga 15:17 ပူးပေါင်းရင်းမြစ်များ

1 Bakyabazinga 12:26

Yaakoba mule ati: “Obwakyabazinga bwidha kabiri kwirira ab'endhu ya Daudi,

1 Bakyabazinga 12:27

kasita abantu bano banaajanga e Yerusalemu okughaayo emisengo ye Musengwa Katonda mu isinzizo. Olwo omwoyo gwaibwe kabiri gukyukire eri musengwa waibwe Rehoboamu kyabazinga wa Isiraeli, nze bandhite, baire y'ali.”

1 Bakyabazinga 15:27

Agho Baasha mutabane wa Ahiya ow'omu kika kya Issakari, yaalya mu Nadabu oyo olukwe era yaamwitira e Gibbethoni eky'Abafilisiti, Nadabu oyo n'Abaisiraeli boonaboona kye baali bazingiiza okwezunguluza.

Yeremia 31:15

Musengwa Katonda yaakoba ati: “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be era nga tayenda na kusaasirwa, kuba baali nga tibakaaligho.

Yeremia 41:9

Ensulo Ishimaeli ye yasuulamu emirambo egy'abasaadha be yaita, yali nga n'ere enene kyabazinga Asa owa Buyudaaya ye yasima, bweyalumbibwa kyabazinga Baasha owa Isiraeli. Ishimaeli yaidhuza ensulo eyo emirambo.

Yoshua 18:25

Ghaabaagho ekiketezo ekindi kye baabagha ekyalimu ebibuga bino: Gibeoni, Rama, Beerothi,

1 Samueli 15:34

Agho Samueli yaaja e Rama, ni Saulo yeena yaaja mu maka ge e Gibea ekya Saulo.