1 Bakyabazinga 15:13 - Baibuli Ekibono kya Katonda 2014

¹³ Era yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yali n'ekifaananie ekyenhinhalwa ekyasinzibwanga eky'omusambwa omukazi Ashera. Asa yaatemagho ekifaananie ekyo, yaakyokera ku kaiga Kiduroni.

1 Bakyabazinga 15:13 ပူးပေါင်းရင်းမြစ်များ

2 Samueli 15:23

Abantu boonaboona baalira nga bawowoola, nga kyabazinga Daudi n'abantu be yaja nabo bali kubita. Kyabazinga n'abantu boonaboona be yali nabo, baaja baasomoka akaiga Kiduroni, beeyongerayo nga boolekeire eirungu.

1 Bakyabazinga 15:10

Yaafugira entangama ya myaka amakumi ana na mulala (41) mu Yerusalemu. Dhaadha we omukazi nga ni Maaka mughala wa Abishalomu.

1 Bakyabazinga 15:2

Yaafugira entangama ya myaka esatu mu Yerusalemu. Inhina yali nga ni Maaka, mughala wa Abishalomu.

1 Bakyabazinga 2:19

Kale Bathisheba yaaja ye kyabazinga Solomoni okwogererayo Adoniya. Kyabazinga yaasituka okusangaaza inhina ng'akutaimeku. Yaatyama ku kityamo kye eky'obwakyabazinga. Yaalagira baaleetera inhina ekityamo, inhina yaatyama ku luuyi olw'omukono omusaadha olwa kyabazinga.

2 Bakyabazinga 10:26

baatoolamu empango ya Baali, baagyokya.

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 34:4

Baamenhamenha alutaari edh'omusambwa Baali nga Yosia aligho mwene, baatematema ni alutaari edh'okuniokezebwaku obubbaani edhaali ghaigulu gh'edho. Baamulungula ebifaananie eby'omusambwa omukazi Ashera, n'ebifaananie ebindi ebibaadhe, n'ebyo ebyakolebwa mu kyuma ekisaanuusiibwa, baabisa byafuuka nkungu era enkungu eyo baagimansira ku magombe g'abo abaaghangayo emisengo y'ebifaananie ebyo.

Okuvaayo 32:20

Yaatoola ekifaananie ekyo eky'ente ento enume yaakisaanuusa, yaakisa kyafuuka nsaano. Ensaano eno yaagimansira ku maadhi, yaamala yaaganhwesa Abaisiraeli boonaboona.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Zekaria 13:3

Bwe ghalibaagho ole alyenda okweyeta omulanzi, ise n'inhina balimukoba bati ateekwa okwitibwa, olw'okwogera eby'obuguya aye ate n'abyeta ebibono bya Musengwa Katonda. Era bw'aligezaaku okukola obulanzi, ise n'inhina abo balimufumita yaafa.

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Yoanne 18:1

Yesu bwe yamala okwogera ebyo, yaaja n'Abeegeresebwa be, baasomoka akaiga ka Kiduroni. Eyo yaliyo enimiro mwe yangira n'Abeegeresebwa be.

2 Ab'e Korintho 5:16

Mperaano titukaabonera muntu yeenayeena mu magezi ga buntu. Waire nga ghaaligho ghe twaboneranga Kurisito mu magezi ag'obuntu, mperaano titukaamubona tutyo.

Ab'e Galatia 2:14

Aye nze bwe nabona nga tibali kujiira ku mazima g'Amawulire Amalungi naakoba Kefasi nga boonaboona bali agho nti: “Iwe oli Muyudaaya, aye weebisa ng'oti n'abamaghanga agandi, ate ng'oli Muyudaaya. Kale osobola otya okukaka abamaghanga agandi okwebisa ng'oti Bayudaaya?”

Amateeka Agokubiri 33:9

Abalevi abo baagumira ku iwe, okusinga okufa ku bazaire baibwe ni ku baganda baibwe ni ku baana baibwe. Baawulira ebiragiro byo, era baakuuma endagaano yo.

Amateeka Agokubiri 7:5

Agho ni mubabisenga muti: mumenhemenhenga alutaari dhaibwe, mutemetemenga empango dha bakatonda baibwe edh'amabaale, mwasaageyasaagenga ebifaananie ebibaadhe eby'omusambwa gwaibwe omukazi Ashera, era mwokyenga n'omuliro ebintu byaibwe bye basinza ebitali Katonda.

Amateeka Agokubiri 9:21

Naagema ekintu ekyo eky'ekibi kyaimwe, eyo nga n'ente ento enume ye mwali mukoze, naagisuula mu muliro. Naagikontakonta, naagisekulasekula inho okutuusa lwe yafuuka ng'oti nkungu. Naayugha enkungu yaayo eyo mu kaiga akaalinga nga kakuuluula okuva ku lusozi.

Yoshua 6:24

Bwe baamala okubatoola mu kibuga, baakikumaku omuliro kyaya kyonakyona n'ebyakirimu byonabyona okutoolaku feeza, ni zaabu, n'ebintu ebyakolebwa mu kikomo, ni mu kyuma ekigumu einho, ebyateebwa mu biterekerwa Musengwa Katonda.