1 Bakyabazinga 15:11 - Baibuli Ekibono kya Katonda 2014

¹¹ Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 15:11 ပူးပေါင်းရင်းမြစ်များ

1 Bakyabazinga 15:12

Yaatoolagho mu nsi eyo omuze ogw'abasaadha ogw'okukolanga obwamalaaya obw'omu isabo. Era yaatoolagho n'ebisinzibwa ebitali Katonda, badhaadha be bye baakola.

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

2 Bakyabazinga 12:3

Aye era ebifo ebigulumivu eby'okusinzizaamu tiyabitoolagho, kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 14:3

Amazia yakola ebituufu Musengwa Katonda by'asiima, aye tiyatuuka ku ebyo dhaadha we Daudi bye yakola. Amazia oyo yakola ebyo byonabyona lata we Yoashi bye yakolanga.

2 Bakyabazinga 15:3

Uzzia yaakolanga ebituufu Musengwa Katonda by'asiima, nga lata we Amazia bye yakolanga.

2 Bakyabazinga 18:3

Yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

2 Ebyomubyanda 14:1

Agho Abiya yaafa, yeeyimba ku badhaadha be abaafa, yaaziikibwa mu kyetebwa Ekibuga kya Daudi. Mutabane we Asa yaamusikira ku bwakyabazinga. Mu biseera bya Asa oyo, ensi yaaba mu miraala okumala entangama ya myaka ikumi.

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 14:2

Asa yaasiimya Musengwa Katonda we, olw'ebirungi n'ebituufu bye yakola.

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

2 Ebyomubyanda 20:32

Yehoshafati oyo yali wa mpisa nkalamu era nga tadhivaaku, ng'oti ni lata we Asa bweyali. Yaakolanga ebirungi Musengwa Katonda by'asiima.