1 Bakyabazinga 14:4 - Baibuli Ekibono kya Katonda 2014

⁴ Agho muka Yeroboamu yaakola atyo, yaasitula yaaja e Shilo, yaatuuka ku ndhu ya Ahiya. Ahiya yali takaaghanga kubona, ng'amaiso gamwidhieku ekifu olw'obukaire.

1 Bakyabazinga 14:4 ပူးပေါင်းရင်းမြစ်များ

Amainhama 27:1

Agho Isaaka bweyali ng'akairiighe, era ng'amaiso ge gaidhieku ekifu, nga takaaghanga kubona, yaayeta Esau mutabane we omukulu. Yaamukoba ati: “Mwana wange!” Yaavugira ati: “Ndi ghano.”

Amainhama 48:10

Amaiso ga Isiraeli gaali gaidhieku ekifu olw'okukairigha nga takaabona bukalamu. Kale Yosefu yaabaseesa gh'ali, yaabagwa mu kifuba, yaabeevumba.

1 Bakyabazinga 11:29

Lwali lulala mu kiseera ekyo, Yeroboamu ng'ali kutambulaku ng'ava e Yerusalemu, omulanzi Ahiya ow'e Shilo yaamwagaana mu ngira, olwo baaba nga bali bwa babiri bonka mu irungu. Ahiya yali avaire ekivaalo ekiyaaka.

1 Bakyabazinga 14:2

Yeroboamu yaakoba mukazi we ati: “Kola weefuusefuuse olobe kumanhika nga niiwe mukazi wange. Olwo oje e Shilo eri omulanzi Ahiya, eyankoba ati ndiba kyabazinga w'abantu bano.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Omulangirizi 12:3

Ng'olwo emikono gyo egyakutaasanga gidhugumira, n'amagulu go buti ag'amaani, nga ganafiighe. Ng'amaino tigakaanoza mere olw'okusigalamu amatono, era nga n'amaiso gaidhieku ekifu.

Amateeka Agokubiri 34:7

Musa yaja okufa ng'agheziiza emyaka kikumi n'abiri egy'obukulu. Aye yali ng'akaabona bukalamu, era ng'akaali wa maani.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

1 Samueli 3:2

Lwali lulala obwire, Eli ng'alambaire mu kifo kye, aye yali takaabona bukalamu olw'ekifu ekyali kitooleire okumwidha ku maiso.

1 Samueli 4:15

Eli yali agheziiza emyaka kyenda na munaana (98) egy'obukulu, era ng'ekifu kyamugema ku maiso, takaabona bukalamu.