1 Bakyabazinga 14:30 - Baibuli Ekibono kya Katonda 2014

³⁰ Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.

1 Bakyabazinga 14:30 ပူးပေါင်းရင်းမြစ်များ

2 Samueli 3:1

Okuva olwo, okulwanagana ghagati gh'abantu ab'oku luuyi olwa Saulo n'abantu ab'oku luuyi olwa Daudi, kwaja nga kubaagho. Oluuyi olwa Daudi lwaja nga lweyongera amaani, ate oluuyi olwa Saulo lwaja nga lweyongera okunafugha.

1 Bakyabazinga 12:21

Agho Rehoboamu bwe yatuuka e Yerusalemu, yaayeta abantu ab'omu kika kya Yuda n'ekya Benjamini. Abasaadha abalwani einho abaghera emitwalo eikumi n'omunaana (180,000), beesoloza okuja okulwanisa Abaisiraeli ab'omu kiketezo eky'oku luuyi olw'omukono omugooda olw'e buvandhuba wa Isiraeli, Rehoboamu oyo asobole okukiizaayo mu bwakyabazinga bwe.

1 Bakyabazinga 12:24

‘Musengwa Katonda akoba ati mutaja kulumba baganda baimwe, Baisiraeli banaimwe. Mwireyo buli muntu mu maka ge, kuba ebyo ebibairegho, ninze nabireetagho.’ ” Agho baagondera ekiragiro kya Musengwa Katonda, bairayo ewaibwe nga Musengwa Katonda bwe yabalagira.

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 15:16

Asa kyabazinga wa Buyudaaya oyo ni Baasha kyabazinga wa Isiraeli, baalwanagananga mu ntalo mu kiseera kyonakyona eky'obufuzi bwaibwe.

2 Ebyomubyanda 12:15

Ebindi byonabyona Rehoboamu bye yakola, okuva lwe yatoolera okufuga okutuuka ku nkomerero, byaghandiikibwa mu Kitabo eky'Ebyomubyanda eby'omulanzi Shemaia n'omulanzi Iddo. Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.