1 Bakyabazinga 14:22 - Baibuli Ekibono kya Katonda 2014

²² Abantu ab'omu Buyudaaya baakola ebibi ebisinga ebya badhaadha baibwe boonaboona bye baakola. Kale baaleetera Musengwa Katonda okuba n'enkikidi ku lwaibwe.

1 Bakyabazinga 14:22 ပူးပေါင်းရင်းမြစ်များ

1 Bakyabazinga 14:9

Wakola ebibi okusinga boonaboona abaakusooka okufuga. Wanvaaku waaja weekolera emisambwa n'ebifaananie mu kyuma ekisaanuusiibwa, waabisinza, olwo wandeetera okusungughala.

1 Bakyabazinga 16:30

Ahabu oyo mutabane w'Omuri, yaakola ebibi eri Musengwa Katonda, okusinga n'abaamusooka boonaboona.

2 Bakyabazinga 17:19

N'ab'omu Buyudaaya boona tibaagema biragiro bya Musengwa Katonda waibwe, aye baajiiranga ku mpisa ab'omu Isiraeli dhe beeteeragho.

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Ebyomubyanda 12:1

Rehoboamu bwe yamala okukakata ku bwakyabazinga n'aba ow'amaani, olwo mwene n'Abaisiraeli boonaboona, baava ku mateeka ga Musengwa Katonda.

2 Ebyomubyanda 12:14

Rehoboamu oyo yaakola ebibi, yaaloba kufaayo kujiiranga ku ebyo Musengwa Katonda by'ayenda.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Yeremia 52:2

Zedekia oyo yaakolanga ebibi eri Musengwa Katonda, ng'oti n'ebyo byonabyona Yehoiakimu bye yakola.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?

Amateeka Agokubiri 29:28

Musengwa Katonda ng'aidhwire obusungu era ng'ali n'ekiruyi ekibitirivu, yabasiguukulula mu nsi yaibwe, yaabasuula mu nsi eyindi n'okutuusa mpegaano.’ ”

Amateeka Agokubiri 4:24

kuba Musengwa Katonda waimwe ali ng'oti muliro oguzikiriza buli kiri mu ngira yaagwo, era enkikidi emugema ku lw'abantu be.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.