1 Bakyabazinga 14:20 - Baibuli Ekibono kya Katonda 2014

²⁰ Yeroboamu oyo yafugira emyaka amakumi abiri, yaafa, yeeyimba ku badhaadha be abaafa. Agho mutabane we Nadabu yaamusikira ku bwakyabazinga.

1 Bakyabazinga 14:20 ပူးပေါင်းရင်းမြစ်များ

1 Bakyabazinga 11:43

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 14:21

Rehoboamu mutabane wa Solomoni yafuuka kyabazinga wa Buyudaaya ng'agheza emyaka amakumi ana na mulala (41). Yaafugira entangama ya myaka ikumi na musanvu (17) mu Yerusalemu, ekibuga Musengwa Katonda kye yalondamu okumusinzizangamu mu bibuga byonabyona eby'ebika bya Isiraeli. Inhina wa Rehoboamu oyo yali ayetebwa Naama, nga Muammoni.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

2 Ebyomubyanda 13:2

Yaafuga okumala entangama ya myaka esatu mu Yerusalemu. Inhina yali nga ni Mikaia, mughala wa Urieli ow'e Gibea. Agho olwatuuka ghaatanukagho olutalo ghagati wa Abiya ni Yeroboamu.

2 Ebyomubyanda 13:20

Yeroboamu tiyairamu kuba wa maani, nga Abiya oyo akaali kyabazinga. Era ku nkomerero, Musengwa Katonda yaleetera Yeroboamu oyo okulwala, yaamala yaafa.

Yobu 14:12

n'omuntu atyo bw'afa, yaagalaamirira obutasituka. Taja kwira ngulu naire, oba okuzuusibwa mu ndoolo dhe ng'eigulu likaaligho.

Zabbuli 3:5

Nambaala, naatenduka, kabiri naazuuka, kuba Musengwa Katonda ankuuma.

Zabbuli 4:8

Bwe nambaala, ntenduka n'emiraala, kuba niiwe Musengwa Katonda wenka onkuuma obukalamu, ni ghabula akantuukaku naire.