1 Bakyabazinga 14:16 - Baibuli Ekibono kya Katonda 2014

¹⁶ Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 14:16 ပူးပေါင်းရင်းမြစ်များ

1 Bakyabazinga 12:30

Ekyo kyaleetera abantu okwonoona, kuba baajanga okusinza omusambwa ogwali mu Betheli, era baajanga n'okusinza gule ogwali eghala mu Dani.

1 Bakyabazinga 13:34

Ekibi kya Yeroboamu ekyo, kyaleetera ab'endhu ye okuzikirira n'okuweekereragho irala ku nsi.

1 Bakyabazinga 15:26

Yaakola ebibi eri Musengwa Katonda nga lata we bwe yakola n'ayonoona, era n'aleetera ni Isiraeli okwonoona.

1 Bakyabazinga 15:30

Ebyo byaligho olw'ebibi Yeroboamu bye yakola, n'aleetera Isiraeli okwonoona, era n'asungughaza Musengwa Katonda, Katonda wa Isiraeli.

1 Bakyabazinga 15:34

Yaakola ebibi eri Musengwa Katonda nga Yeroboamu bye yakola, n'aleetera Isiraeli okwonoona.

1 Bakyabazinga 16:13

Ebyo byaligho, lwa kuba ebibi byonabyona Baasha ni mutabane we Ela bye baakola nga basinza ebitali Katonda, era ni bye baakola ebyaleetera Isiraeli okwonoona, byasungughaza Musengwa Katonda, Katonda wa Isiraeli.

1 Bakyabazinga 16:19

Yafa olw'ebibi bye, bye yakola eri Musengwa Katonda nga Yeroboamu bwe yakola, n'aleetera Isiraeli okwonoona. Zimuri oyo yakola nga Yeroboamu bwe yakola, yaasungughaza Musengwa Katonda olw'ebibi bye mwene bye yakola, era yaamusungughaza olw'okuleetera Isiraeli okwonoona.

1 Bakyabazinga 16:2

“Walinga ng'oli bw'agho otyo, naakugulumiza, naakufuula mukulembeze ow'abantu bange Abaisiraeli. Aye weena ogemye empisa dha Yeroboamu embi, waaleetera abantu bange Abaisiraeli okwonoona, naabasungughalira olw'ebibi byaibwe.

1 Bakyabazinga 16:27

Ebindi byonabyona Omuri bye yakola eby'amaani, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 21:22

Ab'endhu yo ndibakola nga bwe nakola ab'endhu ya kyabazinga Yeroboamu mutabane wa Nebati. Era ndibakola nga bwe nakola ab'endhu ya kyabazinga Baasha mutabane wa Ahiya kuba wasiikuula obusungu bwange, ng'oleetera Isiraeli okwonoona.’

1 Bakyabazinga 22:53

Ahazia oyo yaagheerezanga omusambwa Baali era yaagusinzanga. Olwo yaasungughaza Musengwa Katonda, Katonda wa Isiraeli, mu nsambo n'endala nga lata we bwe yakola.

2 Bakyabazinga 10:31

Aye Yehu yaaloba kufaayo kujiiranga ku mateeka ga Musengwa Katonda, Katonda wa Isiraeli n'omwoyo gwe gwonagwona, yaasigala ng'akaakola ebibi ng'oti ni Yeroboamu bye yakola, ebyaleetera Isiraeli okwonoona.

2 Bakyabazinga 13:2

Yaakola ebibi eri Musengwa Katonda, nga kyabazinga Yeroboamu mutabane wa Nebati bye yakola, ebyaleetera Isiraeli okwonoona. Era Yehoahazi oyo yaaloba kuva mu bibi ebyo.

2 Bakyabazinga 13:6

Aye ate baaloba kuva mu bibi ab'endhu ya Yeroboamu bye baabaleetera okukola, beeyongera bweyongere okubikola. N'ekifaananie ky'omusambwa omukazi Ashera, kyasigala mu Samaria.

2 Bakyabazinga 14:24

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:18

Yaakola ebibi eri Musengwa Katonda, era enaku edh'obulamu bwe dhoonadhoona yaaloba kulekera okukola ebibi ng'ebya Yeroboamu mutabane wa Nebati, ebyaleetera Isiraeli okwonoona.

2 Bakyabazinga 15:9

Yaakola ebibi eri Musengwa Katonda nga badhaadha be bwe baakolanga. Yaakola ebibi ng'ebya Yeroboamu mutabane wa Nebati, ebyaleetera Isiraeli okwonoona.

2 Bakyabazinga 17:21

Musengwa Katonda bwe yamala okwawula Isiraeli ku b'endhu ya Daudi, ab'omu Isiraeli baafuula Yeroboamu mutabane wa Nebati kyabazinga waibwe. Yeroboamu oyo yaaleetera ab'omu Isiraeli okuva ku Musengwa Katonda, era mu nsambo eyo yaabaleetera okukola ebibi ebitaloodheka.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

2 Bakyabazinga 23:15

Kyabazinga Yosia yaamenhagho n'ekifo ekigulumivu eky'okusinzizaamu ekyali e Betheli, kyabazinga Yeroboamu mutabane wa Nebati kye yazimba n'aleetera Isiraeli okwonoona. Yosia oyo yaamenhagho alutaari ghalala n'ekifo ekyo ekigulumivu eky'okusinzizaamu, yaamulungula amabaale ge baabizimbisa gaafuuka bwa nkungu, era yaayokya n'ekifaananie ky'omusambwa omukazi Ashera.

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

2 Ebyomubyanda 28:19

Ebyo byaligho, kuba kyabazinga Ahazi oyo yakola eidhoogo mu Buyudaaya era yaaloba kuba mwesigwa eri Musengwa Katonda, yaaleetera Musengwa Katonda okusindika ebizibu ku Buyudaaya.

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Okuvaayo 32:21

Musa yaabuuza Aaroni ati: “Bwenebwene abantu bano baakukola ki memale obaleeteku ekibi ekikologho ekyo?”

Okuvaayo 32:25

Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Okuvaayo 32:35

Era Musengwa Katonda yasindika ku bantu ekibamba kyabalumya einho, olw'okuba baakoba Aaroni okubakolera ekifaananie eky'ente ento enume.

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Matayo 18:7

Ensi ekagwireku olw'ebisendasenda abantu okwonoona! Kituufu ebisendasenda okwona tibiroba kubaagho, aye oyo abireeta akagwireku!

Ab'e Roma 14:13

Kale ni tukange agho buli muntu okunenianga mwine. Era tutaleeteranga waluganda kugwa mu kibi.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?