1 Bakyabazinga 14:15 - Baibuli Ekibono kya Katonda 2014

¹⁵ N'okuva ku olwo, Musengwa Katonda aja kubonereza ensi Isiraeli edhugumire ng'oti n'olugada bwe lutengeeta mu maadhi. Era aja kutoola Abaisiraeli mu nsi eno enungi ye yagha badhaadha baibwe, abasansaanize eyo ng'osomoike omwiga Eufurate, kuba baamusungughaza nga beekolera ebifaananie by'omusambwa omukazi, Ashera.

1 Bakyabazinga 14:15 ပူးပေါင်းရင်းမြစ်များ

1 Bakyabazinga 14:9

Wakola ebibi okusinga boonaboona abaakusooka okufuga. Wanvaaku waaja weekolera emisambwa n'ebifaananie mu kyuma ekisaanuusiibwa, waabisinza, olwo wandeetera okusungughala.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:11

Baaniokezanga obubbaani mu bifo ebigulumivu byonabyona eby'okusinzizaamu, ng'abamaghanga agandi bwe baakolanga, Musengwa Katonda be yabingamu nga beene Abaisiraeli bali kumpi okutuukayo. Baakolanga ebibi, baaleetera Musengwa Katonda okusungughala,

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Ensambo 2:22

Aye Katonda aja kuzikiriza abakozi ab'ebibi, era abantu abateesigika abaiwululegho ng'oti bisimbe.

Yeremia 24:10

Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Abalevi 26:43

Aye ensi enaasookanga kulekebwa agho yaazika, beene nga baziramu. Olwo yaawuumula, era ni beene baaganha okubonerezebwa olw'okudheemera ebiragiro byange, n'obutagema mateeka gange.

Amosi 2:9

“Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Zefania 2:4

Ekibuga Gaza kija kulekebwa agho kyereere, n'ekibuga Ashikeloni kyona kija kuwolongera. Abantu ab'omu kibuga Ashidodi baja kubingibwamu mu kitundu butundu kya lunaku. N'ekibuga Ekuroni kija kuzikirizibwa.

Matayo 11:7

Abo bwe baali bali kuja, Yesu yaatoolera okukobera ebiyindi by'abantu ebigema ku Yoanne ati: “Kiki kye mwaja okubona mu irungu? Lugada empewo lw'etengeesa?

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Luka 7:24

Abakwenda ba Yoanne bwe baagolola, Yesu yaatoolera okwogera ku Yoanne eri abantu ati: “Kiki ekyabatwala mu irungu okubona? Lugada empewo lw'etengeesa?

Ebikolwa by'Abatume 7:43

Mwabbeedanga ntindi ya Moleki na muunienie ya musambwa Refani, ebisinzibwa ebyo ebitali Katonda bye mwakola ni mubisinzanga. Kale ni ndidha kubabinga mbatuumye ni Babiloni.’

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

1 Samueli 12:25

Aye bwe muneeyongera okukola ebibi, mwidha kuzikirira era ni kyabazinga waimwe.”