1 Bakyabazinga 14:10 - Baibuli Ekibono kya Katonda 2014

¹⁰ Kale ni bona eno, ndidha kutuusa akabi ku b'endhu yo iwe Yeroboamu, mmaliregho irala kiisi wa ku lulyo lwo ayetebwa omusaadha, k'abe omusibe oba ow'eidembe. Era ndidha kusaanizaagho irala ab'endhu yo, ng'oti n'omuntu bw'ayokya obusa okutuusa lwe buweekereragho bwonabwona.

1 Bakyabazinga 14:10 ပူးပေါင်းရင်းမြစ်များ

1 Bakyabazinga 13:34

Ekibi kya Yeroboamu ekyo, kyaleetera ab'endhu ye okuzikirira n'okuweekereragho irala ku nsi.

1 Bakyabazinga 16:11

Zimuri olwamala okufuuka kyabazinga, nga yaakatyama ati ku kityamo kye eky'obwakyabazinga, yaita ab'endhu ya Baasha boonaboona obutalekaagho naire omwana eyetebwa omulenzi, k'abe owuwe mwene, oba ow'ab'oku lulyo lwe, waire owa bakagwa be.

1 Bakyabazinga 16:3

Kale ni ndidha kusaanizaagho irala ab'endhu yo boonaboona, nga bwe nasaanizaagho irala ab'endhu ya Yeroboamu mutabane wa Nebati.

1 Bakyabazinga 21:21

Agho ni Musengwa Katonda akoba ati, ‘Iwe Ahabu, ndidha kukutuusaaku akabi, nkuzikirize irala. Era ndimalagho mu Isiraeli buli muntu ayetebwa musaadha k'abe omusibe oba ow'eidembe.

2 Bakyabazinga 14:26

Musengwa Katonda yabona okudaazibwadaazibwa okw'Abaisiraeli okutaloodheka, era nga ghaziragho muntu yeenayeena aghanga kubayamba, k'abe omusibe oba ow'eidembe.

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

2 Bakyabazinga 9:37

Omulambo gwe guliba mu nsiko ey'eyo mu Yezireeli ng'oti bwa busa, ghabulegho aghanga n'okukoba ati ono ni Yezebeli.’ ”

Yobu 20:7

Aye alifuuyibwa empewo yaawaagho ng'oti nkungu. Abo ababaire bamubona balyebuuza ye yaaja.

Zabbuli 83:10

abaitirwa mu kibuga Endori, ni baba agho ku itaka ng'oti mmungo ya busa.

Isaia 14:19

Aye iwe bakuswire bw'ere amagombe go ye gatali, ng'oti n'omwana avaamu ng'akaabulaku, ekintu abantu kye batenda naire. Bakubunzeeku emirambo gy'abo abaitiirwa mu lutalo, baakusuula ghalala nagyo mu lwina olw'amabaale, waafuuka omulambo gwe batyankirira n'ebigere.

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Yeremia 32:18

Ogonza enkumi n'enkumi edh'abantu aghazira kulekera, aye ate weesasuuliza ku baana olw'ebibi by'abazaire baibwe. Oli Katonda mukologho era ow'amaani. Niiwe Musengwa Katonda Afuga Amagye.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Ezekieli 26:4

Galimenhamenha ebimante byo ebikwezungulwire n'ebituuti byo ebirengererwaku. Era nze Musengwa Katonda mwene ndighalagata eitaka lyonalyona erikulimu iwe Tiro, naalimalamu waasigala lubaale lwereere.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”

1 Samueli 25:34

Nga Musengwa Katonda wa Isiraeli bw'ali omulamu, oyo andobeire okukukolaku akabi, bwenebwene ngoli toyangwighe n'oidha ye ndi, bwandijiire okukya nga ku bantu ba Nabali, tighakaaligho waire omulala ati ayetebwa omusaadha, akaali omulamu.”