1 Bakyabazinga 13:9 - Baibuli Ekibono kya Katonda 2014

⁹ Musengwa Katonda atyo bwe yandagiire, ng'akoba ati, ‘Otalyayo mere waire okunhwayo amaadhi, era otairira mu ngira ye wagemye ng'ojaayo.’ ”

1 Bakyabazinga 13:9 ပူးပေါင်းရင်းမြစ်များ

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Bakyabazinga 13:10

Agho yaabita mu ngira yindi, yaaloba kwirirayo mu eyo ye yabitamu ng'aja e Betheli.

1 Bakyabazinga 13:16

Aye omulanzi ole yaamukoba ati: “Tighanga kwirayo n'iwe waire okwingira n'iwe mu ndhu, era tiidha kulya mere waire okunhwa amaadhi n'iwe mu kifo kino

1 Bakyabazinga 13:19

Kale omulanzi eyava mu Buyudaaya yairayo ghalala n'omulanzi ow'e Betheli, yaalya emere mu ndhu ye era yaanhwa n'amaadhi.

1 Bakyabazinga 13:8

Omulanzi yaakoba kyabazinga ati: “Ni bwetugabaniramu ghagati obukombe bwonabwona obw'omu kisaagaati kyo, tiidha kuja n'iwe, waire okulya emere, oba okunhwa amaadhi mu kifo kino.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Zabbuli 141:4

Otanganha kwendanga kukola bibi, n'okumala ebiseera byange nga ndi kutwalirizibwa mu kukola ebibi ghalala n'abo abakozi b'ebibi. Era otanganha kweyimbanga mu bibinuko byaibwe.

Okubala 16:26

Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

Yoanne 13:17

Bino bwe muba mubiidhi, muli ba nkabi bwe mubikola.

Yoanne 15:14

Bwe mukola bye mbalagira muba bakagwa bange.

Ab'e Roma 16:17

Aboluganda, mbeeghembye mwekuumenga abo abaleeta okwawukana n'okutabuka nga batakania ebyo bye mwayegeresebwa. Mubeeghalenga

1 Ab'e Korintho 5:11

Kye nali nkoba n'obutakolagananga na muntu yeeyeta waluganda aye ate nga mwenzi, oba nga wa mairu, oba asinza ebitali Katonda, oba omuvumagani, oba omutamiivu, oba omwibi; omuntu ng'oti n'oyo n'okulya mutalyanga naye.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.