1 Bakyabazinga 13:5 - Baibuli Ekibono kya Katonda 2014

⁵ Alutaari yoona yaamenhekagho, eivu eryagiriku lyayuyika okutuukiriza akamanhiso omulanzi ke yagha mu liina lya Musengwa Katonda.

1 Bakyabazinga 13:5 ပူးပေါင်းရင်းမြစ်များ

1 Bakyabazinga 13:3

Era omulanzi oyo yaagha akamanhiso ku lunaku olwo, ati: “Kino kw'onaamanhira nga Musengwa Katonda n'ayogeire: alutaari eno eidha kumenhekagho, eivu erigiriku liyuyike.”

1 Bakyabazinga 13:4

Agho kyabazinga Yeroboamu bwe yawulira ebyo omulanzi bye yayogera ng'avumirira alutaari mu Betheli, yaagalula omukono ghe yali gh'alutaari, yaamusonkaku ng'akoba ati: “Mumugeme!” Amangu ago omukono ogwo gwakadambala nga taghanga kugwiza.

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

1 Bakyabazinga 17:16

Obuwunga obw'engaano tibwawa mu kaibo, n'akadoome tikaawaamu muzigo, nga Musengwa Katonda bwe yakoba ng'abita mu Eliya.

1 Bakyabazinga 22:28

Agho Mikaia yaakoba ati: “Bw'oiranga obukalamu, nga koodhi Musengwa Katonda tayogereire mu nze.” Era yaayongeraku ati: “Imwe abantu mwenamwena, muwulire kye ndhogeire.”

1 Bakyabazinga 22:35

Olutalo lwataama inho ku lunaku olwo. Kyabazinga wa Isiraeli baamugemerera bugemerere mu kigaali kye eky'omu lutalo okwolekera Abasiria. Omusaayi gwava mu kibwa kye, gwakuuluulira mu kigaali kye ekyo, era yaafa eigulo eryo.

Amosi 3:14

Ku lunaku lwe ndibonerezaaku Abaisiraeli olw'ebibi byaibwe, nja kuzikiriza alutaari edh'e Betheli. N'ebintu ebiri ng'oti mayiga ga nsolo ebiba ku nsonda dhaadho nja kubimenhaku mbisuule ku itaka.

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Amateeka Agokubiri 18:22

Mwidha kutegeeranga, kuba omulanzi bw'ayogera mu liina lya Musengwa Katonda, aye ky'ayogeire ni kitabaagho oba ni kitatuukirira, ekyo kiba nga Musengwa Katonda ti n'akyogeire. Omulanzi aba ng'akyogeire lwa kwetulinkiriza, era kitabatiisanga.”