1 Bakyabazinga 13:33 - Baibuli Ekibono kya Katonda 2014

³³ Ebyo nga biwoire, kyabazinga Yeroboamu era tiyakyuka naire n'alekayo mpisa dhe mbi. Aye yeeyongera bweyongere okutaagho baakabona ab'ebifo ebigulumivu ebisinzibwamu, ng'abatoola mu bantu ababuliidho. Yaayawulanga kiisi muntu eyayendanga okuba kabona, yaamufuula kabona w'ekifo ekigulumivu ekisinzibwamu.

1 Bakyabazinga 13:33 ပူးပေါင်းရင်းမြစ်များ

1 Bakyabazinga 15:26

Yaakola ebibi eri Musengwa Katonda nga lata we bwe yakola n'ayonoona, era n'aleetera ni Isiraeli okwonoona.

2 Bakyabazinga 10:29

Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

2 Ebyomubyanda 13:9

Mwabinga bakabona ba Musengwa Katonda ob'oku lulyo lwa Aaroni, mwabinga n'Abalevi. Mweteeragho bakabona abaimwe, ng'abamaghanga agandi bwe bakola. Ole bw'aidha okwetukuza, ng'aleese ente enume ento ndala n'entaama enume musanvu, mumwikiriza yaafuuka kabona w'ebintu ebyo ebitali Katonda.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

Zabbuli 78:34

Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

Yeremia 18:4

Buli lwe yawumbanga ekintu ni kiroba okuvaamu nga bw'akyenze, ng'olwo eitosi lyakyo aligoita, era ng'alikolamu ekintu ekindi.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Amosi 6:11

Bona eno, Musengwa Katonda bw'aliragira, endhu enkologho n'edho entono dhija kumenhebwamenhebwa dhisigale bumulumulu.

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Okubala 3:10

Era oidha kutaagho Aaroni ni batabane be abo, bakole obwakabona; aye omuntu owundi yeenayeena agezaaku okukola obwakabona aidha kwitibwanga.”

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

Abalamuzi 17:12

Omusaadha oyo Mika, yaamutaagho abe kabona we, era omwisuka oyo Omulevi, yaabanga mu maka ga Mika oyo.

Abalamuzi 17:5

Omusaadha oyo Mika, yali n'eisinzizo erirye. Agho yaatunga ekivaalo eky'obwakabona era yaakola ebintu ebyetebwa terafimu. Yaayawula owundi ku batabane, yaafuuka kabona we.