1 Bakyabazinga 12:29 - Baibuli Ekibono kya Katonda 2014

²⁹ Agho yaata ekifaananie eky'ente ento ekindi mu Betheli, n'ekindi yaakita mu Dani.

1 Bakyabazinga 12:29 ပူးပေါင်းရင်းမြစ်များ

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

Amainhama 28:19

Yaatuuma ekifo ekyo eriina Betheli. Aye ng'ekibuga ky'eyo mu kusooka kyali kyetebwa Luzi.

Amainhama 35:1

Katonda yaakoba Yakobo ati: “Ja e Betheli, obe eyo, onzimbireyo alutaari nze Katonda eyakubonekera bwe wali ng'oli kulumuka muganda wo Esau.”

1 Bakyabazinga 13:4

Agho kyabazinga Yeroboamu bwe yawulira ebyo omulanzi bye yayogera ng'avumirira alutaari mu Betheli, yaagalula omukono ghe yali gh'alutaari, yaamusonkaku ng'akoba ati: “Mumugeme!” Amangu ago omukono ogwo gwakadambala nga taghanga kugwiza.

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

2 Bakyabazinga 10:29

Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Ebyomubyanda 13:8

“Mpegaano muli kusala amagezi okulwanisa obwakyabazinga bwa Musengwa Katonda, mubutoole ku b'eizaire lya Daudi olw'okuba muli igye inene, era nga muli n'ebifaananie eby'ente ento ebya zaabu, Yeroboamu bye yabakolera bibenga bakatonda baimwe.

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Amosi 5:5

Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Amosi 7:13

Aye ghano e Betheli otairayo kukoleragho bulanzi bwo, kuba ghano n'aghali ekifo kyabazinga mw'asinziza, era n'aghali eisinzizo ery'obwakyabazinga bwonabwona.”

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

Amateeka Agokubiri 34:1

Agho Musa yaava mu kiketezo eky'oku museetwe e Moabu, yaaniinaniina ku lusozi Nebo, entwiko ya Pisiga, olulingiriire Yeriko. Musengwa Katonda yaamwoleka ekiketezo kyonakyona okuva e Gileadi, okutuuka e Dani,

Yoshua 7:2

Yoshua ng'akaali e Yeriko yatuma abasaadha baje e Ayi, ekyali okumpi n'ekibuga Bethaveni e buvandhuba ow'e kibuga Betheli. Yaabakoba ati: “Muje mukeete ensi eyo.” Era abasaadha baaja baakeeta Ayi.

Abalamuzi 18:26

Agho ab'omu kika kya Dani beetambulira. Mika bwe yabona nga bamusinga inho amaani, yaakyuka yairayo ewuwe.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.