1 Bakyabazinga 12:28 - Baibuli Ekibono kya Katonda 2014

²⁸ Kale kyabazinga Yeroboamu oyo yaalowoolereza inho ku kintu ekyo, era yaamala yaakola ebifaananie eby'ente ento bibiri mu zaabu. Agho yaakoba abantu ati: “Mubairenga nga muja e Yerusalemu okumala ekiseera ekireeyi ekimala. Mubone eno, imwe Abaisiraeli, bano ni bakatonda baimwe abaabatoola mu Misiri.”

1 Bakyabazinga 12:28 ပူးပေါင်းရင်းမြစ်များ

1 Bakyabazinga 14:9

Wakola ebibi okusinga boonaboona abaakusooka okufuga. Wanvaaku waaja weekolera emisambwa n'ebifaananie mu kyuma ekisaanuusiibwa, waabisinza, olwo wandeetera okusungughala.

1 Bakyabazinga 15:26

Yaakola ebibi eri Musengwa Katonda nga lata we bwe yakola n'ayonoona, era n'aleetera ni Isiraeli okwonoona.

1 Bakyabazinga 16:19

Yafa olw'ebibi bye, bye yakola eri Musengwa Katonda nga Yeroboamu bwe yakola, n'aleetera Isiraeli okwonoona. Zimuri oyo yakola nga Yeroboamu bwe yakola, yaasungughaza Musengwa Katonda olw'ebibi bye mwene bye yakola, era yaamusungughaza olw'okuleetera Isiraeli okwonoona.

2 Bakyabazinga 10:29

Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 17:8

era baajiiranga ku mpisa dh'abamaghanga agandi, Musengwa Katonda ge yabinga mu nsi eyo nga beene Abaisiraeli bali kumpi okutuukayo. Abaisiraeli abo baajiiranga ni ku mpisa bakyabazinga ba Isiraeli dhe baatangagho,

2 Ebyomubyanda 11:14

Abalevi abo baaleka eyo ebyayiro byaibwe n'ebibandha, baidha mu Buyudaaya ni mu Yerusalemu, kuba kyabazinga Yeroboamu n'abo abaamusikira, baabinga Abalevi abo, baabalobera okugheereza Musengwa Katonda nga bakabona.

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

2 Ebyomubyanda 13:8

“Mpegaano muli kusala amagezi okulwanisa obwakyabazinga bwa Musengwa Katonda, mubutoole ku b'eizaire lya Daudi olw'okuba muli igye inene, era nga muli n'ebifaananie eby'ente ento ebya zaabu, Yeroboamu bye yabakolera bibenga bakatonda baimwe.

2 Ebyomubyanda 15:3

Abaisiraeli baamala ekiseera kinene nga bazira Katonda mwenemwene, era nga bazira kabona ayegeresa, waire okuba n'amateeka.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

2 Ebyomubyanda 21:6

Yafumbirwa mughala wa Ahabu, era yaakola ng'ab'endhu ya Ahabu oyo bwe baakola, yeebisa bubi nga bakyabazinga ba Isiraeli bwe baakola, yaakola ebibi ye Musengwa Katonda.

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

Okuvaayo 1:10

Tuteekwa okubasalira amagezi aganaabasobola balobe kweyongera mu bungi, kuba bwe ghaidhagho olutalo basobola okweyimba ku bazigu baife, baatulwanisa era baalumuka mu Misiri.”

Okuvaayo 20:4

“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Okuvaayo 32:25

Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Okuvaayo 32:4

Aaroni yaadhitoola, yaadhisaanuusa, era yaakozesa akatiba yaabakoleramu ekifaananie eky'ente ento enume. Agho baakoba bati: “Isiraeli, ono ni katonda wo eyakutoola mu Misiri!”

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Ensambo 14:12

Omuntu asobola okugema engira ng'adhuuba ati ntuufu, aye yaamutuusa ku kufa.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Ezekieli 16:26

Wayendaku ni ku Bamisiri, baliraanwa bo abeegombi ng'oti ki! Obwamalaaya bwo bweyongerangaku bweyongere, wansonsoonia wandeetera okusungughala.

Ezekieli 23:8

Tiyalekayo bwamalaaya bwe, bwe yakola okuviira irala ng'ali e Misiri, ye yabeera n'abasaadha mu buliri ni bamwesanhukizaaku ng'akaali muto, ni bamuleetera okuba nga takaali mwegha.

Danieli 3:1

Kyabazinga Nebukadinezzari yaalagira baakola ekiwumbe ekya zaabu, nga mu buleeyi kigheza mita amakumi abiri na musanvu, ate mu bugazi kyagheza mita isatu. Era yaalagira baakita ku museetwe ogw'e Dura, mu kiketezo eky'e Babiloni.

Hosea 10:10

Ndirumba abantu abo aboonooni naababonereza. Amaghanga galyesoloza ghalala okubalwanisa, baabonerezebwa olw'ebibi byaibwe ebingi.

Hosea 10:8

Ebifo ebigulumivu ebisinzibwamu ebiri mu Aveni, Abaisiraeli bye bajaamu ni bakola ebibi, birizikirizibwa. Amawa n'enkandwa birimera ku alutaari dhaibwe. Balikoba ensozi bati: “Mutugweku,” baakoba n'obusozi bati: “Mutusandikire!”

Amosi 5:5

Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

2 Petero 2:19

Babasuubiza eidembe ate nga beene bairu ba kibi kuba kiisi muntu aba mwiru w'ekyo ekimughangula.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”