1 Bakyabazinga 12:16 - Baibuli Ekibono kya Katonda 2014

¹⁶ Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Bakyabazinga 12:16 ပူးပေါင်းရင်းမြစ်များ

2 Samueli 15:13

Ghaabaagho omukwenda eyaja n'akobera Daudi ati: “Abaisiraeli bakuviireku baize ku luuyi lwa Abusalomu.”

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 11:11

Kale Musengwa Katonda kyeyava n'akoba Solomoni ati: “Nga bw'okoze ekyo, n'oloba okukuuma endagaano ye nakola n'iwe, era n'odheemera amateeka ge nakulagira, bwenebwene ndidha kukutoolaku obwakyabazinga, mbughe owundi ku bagheereza bo.

1 Bakyabazinga 11:13

Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

1 Bakyabazinga 11:34

Aye tiidha kutoola ku Solomoni oyo bwakyabazinga bwe bwonabwona. Ndidha kumuleka afuge ekiseera kye ky'anaamala nga mulamu, ku lw'omugheereza wange Daudi ye nalondamu, eyagemanga ebiragiro byange n'amateeka gange.

1 Bakyabazinga 11:35

Nditoola obwakyabazinga ku mwana wa Solomoni oyo, naakugha iwe ebika ikumi.

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 11:39

Era ndibonereza baidhukulu ba Daudi olw'ebibi bya Solomoni, aye tiribabonereza byanda na byanda.’ ”

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

1 Bakyabazinga 22:36

Endhuba ng'eri kumpi okugwa, kyalangirirwa mu igye lyonalyona erya Isiraeli nti: “Buli muntu aireyo mu kiketezo ky'ewaibwe, ni mu kibuga ky'ewaibwe.”

2 Ebyomubyanda 10:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

Zabbuli 132:17

Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Yeremia 33:21

Era ntyo bwe nkoze endagaano n'omugheereza wange Daudi, nti buliidho ghaidha kubangagho omuntu ku baidhukulu be anaabanga kyabazinga. Era naakola endagaano nti buliidho ghaidha kubangagho bakabona ab'omu kika kya Levi abanampeerezanga. Era endagaano edho ghazira asobola kudhimenhagho.

Ezekieli 37:16

“Iwe omuntu, toola omwigo ogughandiikeku oti, ‘Gwa Yuda ni Baisiraeli baine.’ Kabiri otoole n'ogundi ogughandiikeku oti, ‘Gwa Yosefu ni Baisiraeli baine, era ng'ogwo n'omwigo gwa Efuraimu.’

Mariko 3:24

Era obwakyabazinga obweyawulamu tibusobola kubaagho.

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 13:8

Petero yairamu ati: “Tikiribaagho iwe okunaaza nze ebigere!” Aye Yesu yaamukoba ati: “Bwe ntakunaaza ng'olwo tokaali mwegeresebwa wange.”

Abalamuzi 8:35

Era baaloba kuba basiimu naire y'ab'endhu ya Gideoni, olw'ebirungi byonabyona bye yakolera Isiraeli.

Abalamuzi 9:28

Gaali oyo mutabane wa Ebedi yaakoba ati: “Tuli bantu ba nsambo ki ife ab'omu Shekemu muno? Lwaki tugheereza Abimeleki? Ye Abimeleki oyo naani? Era abimeleki oyo ni Zebuli omukungu we, bombi tibaagheerezanga basaadha ba Hamori, lata wa Shekemu? Kale lwaki tumugheereza?