1 Bakyabazinga 11:43 - Baibuli Ekibono kya Katonda 2014

⁴³ Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 11:43 ပူးပေါင်းရင်းမြစ်များ

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

1 Bakyabazinga 14:31

Rehoboamu yaafa, yeeyimba ku badhaadha be abaafa. Yaaziikibwa mu lwambiidhi lwa badhaadha be abo, mu kyetebwa Ekibuga kya Daudi. Inhina wa Rehoboamu yali ng'ayetebwa Naama, era nga Muammoni. Mutabane wa Rehoboamu oyo eyayetebwanga Abiyamu, n'eyasikira ise oyo ku bwakyabazinga.

1 Bakyabazinga 15:24

Agho Asa oyo yaafa, yeeyimba ku badhaadha be abaafa, era yaaziikibwa mu badhaadha be abo, mu kyetebwa Ekibuga kya Daudi dhaadha we. Mutabane we Yehoshafati, yaamusikira ku bwakyabazinga.

1 Bakyabazinga 15:8

Agho Abiyamu oyo yaafa, yeeyimba ku badhaadha be abaafa, era yaaziikibwa mu kyetebwa Ekibuga kya Daudi. Mutabane we Asa yaamusikira ku bwakyabazinga.

1 Bakyabazinga 16:6

Agho Baasha yaafa, yeeyimba ku badhaadha be abaafa, era yaaziikibwa e Tiruza. Mutabane we Ela, yaamusikira ku bwakyabazinga.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 22:40

Atyo Ahabu yaafa, yeeyimba ku badhaadha be abaafa. Mutabane we Ahazia yaamusikira ku bwakyabazinga.

2 Bakyabazinga 16:20

Agho Ahazi yaafa yeeyimba ku badhaadha be abaafa, era yaaziikibwa mu badhaadha be abo mu kyetebwa Ekibuga kya Daudi. Mutabane we Hezekia yaamusikira ku bwakyabazinga.

2 Bakyabazinga 20:21

Agho Hezekia yaafa, yeeyimba ku badhaadha be abaafa. Mutabane we Manasse yaamusikira ku bwa kyabazinga.

2 Bakyabazinga 21:18

Agho Manasse yaafa yeeyimba ku badhaadha be abaafa, era yaaziikibwa mu nimiro y'omu kisaagaati kya kyabazinga, eyetebwa eya Uzza. Mutabane we Amoni yaamusikira ku bwakyabazinga.

2 Bakyabazinga 21:26

Agho Amoni baamuziika mu magombe ge mu nimiro eyetebwa eya Uzza. Mutabane we Yosia yaamusikira ku bwakyabazinga.

1 Ebyomubyanda 3:10

Solomoni yazaala Rehoboamu, Rehoboamu yaazaala Abiya, Abiya yaazaala Asa, Asa yaazaala Yehoshafati,

2 Ebyomubyanda 13:7

Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 26:23

Agho Uzzia oyo yaafa yeeyimba ku badhaadha be abaafa, era yaaziikibwa kumpi nabo, aye nga ti mu lwambiidhi lwa bakyabazinga, kuba abantu baakoba bati: “Ali n'endwaire ey'ebigenge.” Mutabane we Yothamu yaamusikira ku bwakyabazinga.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

2 Ebyomubyanda 9:30

Entangama Solomoni ye yamala ng'afuga Isiraeli yoonayoona mu Yerusalemu, yali ya myaka makumi ana (40).

2 Ebyomubyanda 9:31

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

Omulangirizi 2:19

Ate nga waire ghazira aidhi, oba omuntu oyo aja kuba mugezi oba musiru, aye era oyo n'aja okwefuga ebyo bye nfaabiikaniire ku nsi nga nkozesa amagezi gange. Ekyo kyona muzira muganhulo.

Yeremia 22:19

Balimuziika nga bwe baziika endogoyi: balimukwekwebya bukwekwebye, baamusuula kuliya kw'emiryango gya Yerusalemu.”

Matayo 1:5

Salumoni yazaala Boazi mu Rahabu, Boazi yaazaala Obedi mu Ruthi, Obedi yaazaala Yesse.

Matayo 1:7

Solomoni yazaala Rehoboamu, Rehoboamu yaazaala Abiya, Abiya yaazaala Asa.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.