1 Bakyabazinga 11:39 - Baibuli Ekibono kya Katonda 2014

³⁹ Era ndibonereza baidhukulu ba Daudi olw'ebibi bya Solomoni, aye tiribabonereza byanda na byanda.’ ”

1 Bakyabazinga 11:39 ပူးပေါင်းရင်းမြစ်များ

2 Samueli 14:14

Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 11:40

Agho Solomoni yaasala amagezi okwita Yeroboamu, aye Yeroboamu yaalumukira mangu e Misiri ewa kyabazinga waayo eyayetebwanga Shishaki, yaaba eyo okutuusa Solomoni bwe yafa.

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Bakyabazinga 14:8

Natoola obwakyabazinga ku b'endhu ya Daudi, naabukugha iwe. Aye tobaire ng'oti n'omugheereza wange Daudi, eyagema ebiragiro byange, n'agumira ku nze n'omwoyo gwe gwonagwona, n'akolanga ebyo byonka ebituufu mu maiso gange.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Luka 2:4

Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.