1 Bakyabazinga 11:29 - Baibuli Ekibono kya Katonda 2014

²⁹ Lwali lulala mu kiseera ekyo, Yeroboamu ng'ali kutambulaku ng'ava e Yerusalemu, omulanzi Ahiya ow'e Shilo yaamwagaana mu ngira, olwo baaba nga bali bwa babiri bonka mu irungu. Ahiya yali avaire ekivaalo ekiyaaka.

1 Bakyabazinga 11:29 ပူးပေါင်းရင်းမြစ်များ

Amainhama 4:8

Kaini yaakoba muganda we Abeli ati: “Tuje tubbaalebbaaleku.” Era bwebaali nga bali eyo, Kaini yeefuulira muganda we yaamwita.

2 Samueli 14:6

Era nze omwiru wo omukazi nali ni batabane bange babiri, baasoolera eyo mu nsiko nga ghazira anaabagaya, owundi yaakuba mwine yaamwita.

1 Bakyabazinga 11:11

Kale Musengwa Katonda kyeyava n'akoba Solomoni ati: “Nga bw'okoze ekyo, n'oloba okukuuma endagaano ye nakola n'iwe, era n'odheemera amateeka ge nakulagira, bwenebwene ndidha kukutoolaku obwakyabazinga, mbughe owundi ku bagheereza bo.

1 Bakyabazinga 12:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

1 Bakyabazinga 12:2

Yeroboamu mutabane wa Nebati yaakiwulira ng'akaali mu Misiri ye yali alumukiire okuwona kyabazinga Solomoni. Agho yaira,

1 Bakyabazinga 14:2

Yeroboamu yaakoba mukazi we ati: “Kola weefuusefuuse olobe kumanhika nga niiwe mukazi wange. Olwo oje e Shilo eri omulanzi Ahiya, eyankoba ati ndiba kyabazinga w'abantu bano.

1 Bakyabazinga 14:4

Agho muka Yeroboamu yaakola atyo, yaasitula yaaja e Shilo, yaatuuka ku ndhu ya Ahiya. Ahiya yali takaaghanga kubona, ng'amaiso gamwidhieku ekifu olw'obukaire.

2 Ebyomubyanda 10:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

2 Ebyomubyanda 9:29

Ebindi byonabyona Solomoni bye yakola, okuva lwe yainhama okufuga okutuuka ku nkomerero ye, byaghandiikibwa mu Byafaayo bya Nathani Omulanzi, ni mu Byalangibwa Ahiya ow'e Shilo, ni mu Byali mu Kubonekerwa kwa Iddo Omulanzi nga bigema ku Yeroboamu mutabane wa Nebati.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.