1 Bakyabazinga 11:27 - Baibuli Ekibono kya Katonda 2014

²⁷ Ekyaviiraku Yeroboamu okudheema ni kino: Kyabazinga Solomoni yali ali kuzimba ekifo kye baidhuzaamu eitaka ekyetebwa Millo, era ng'ali kusemba mu bituli ebyali mu kimante ky'ekibuga ekyetebwa ekya Daudi lata we.

1 Bakyabazinga 11:27 ပူးပေါင်းရင်းမြစ်များ

2 Samueli 20:21

Era ekyo ti kye ndi kuja okukola naire. Aye ghaligho omusaadha ava mu biketezo eby'oku nsozi ebya Efuraimu ng'ayetebwa Sheba mutabane wa Bikiri, eyadheemera kyabazinga Daudi. Kale ni mumugheeyo oyo yenka ati, ng'olwo nze ekibuga nkireka.” Omukazi yaamukoba ati: “Bona eno, omutwe gwe twidha kugukusuulira tugutumye ekimante.”

2 Samueli 5:7

Aye ate Daudi oyo yaagema ekifo kyaibwe eky'okwewogomamu eky'e Sioni, ekyo kyafuuka “Ekibuga kya Daudi.”

1 Bakyabazinga 9:15

Bino n'ebintu kyabazinga Solomoni bye yakola ng'akozesa abantu be yakakanga obukake: Yazimba eisinzizo n'ekisaagaati kye eky'obwakyabazinga; yaazimba ekifo kye baidhuzaamu eitaka ekyetebwa Millo; yaazimba ekimante ku kibuga Yerusalemu okukyezunguluza; yaazimba n'ebibuga, Hazori, Megiddo ni Gezeri.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

2 Bakyabazinga 12:20

Abakungu be baakola olukwe baamwitira mu ndhu ey'omu kifo ekyaidhuzibwamu eitaka ekyetebwa Millo, ku ngira eja e Silla.

Nehemia 4:7

Aye Saniballati, ni Tobia, n'abantu ab'e Buwarabu, n'ab'omu Ammoni, n'ab'omu Ashidodi, bwe baawulira bati omulimo ogw'okulongoosa ekimante ekyezungulula Yerusalemu guli kuja mu maiso, era ng'abazimbi batooleire n'okusemba mu bituli ebyali mu kimante ekyo, baasungughala inho.

Zabbuli 60:2

Oleeteire ensi yaife okutengeeta, yeetema agatanda. Tukweghembye ziba agatanda ago, kuba eja kwawukamu.

Ensambo 30:32

Bw'oba ng'okoze eky'obusiru ni weekuluntaza, oba n'otegeka okukola ekibi, sooka weekube mu kifuba obuuze omwoyo.

Isaia 22:9

Mwabona ng'ebituli biri kamaala bye baawomola mu kimante ky'oku kibuga Yerusalemu. Agho mwaleeta ghalala amaadhi g'omu kidiba ky'eifo,

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Ezekieli 13:5

Tibakuuma mu bifo ebimante ghe byawomolwa ebituli, waire okuzimba obuyaaka ebimante ebyo, basobole okulwanirira abantu b'eighanga Isiraeli mu lutalo, ng'olunaku lwa Musengwa Katonda lutuuse.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.