1 Bakyabazinga 11:21 - Baibuli Ekibono kya Katonda 2014

²¹ Agho Hadadi bwe yawulira ng'ali e Misiri ati, Daudi afiire era nga ni Yoabu omuduumizi w'eigye yeena afiire, yaakoba kyabazinga w'e Misiri ati: “Ndeka nje, ndhireyo mu nsi y'ewaife.”

1 Bakyabazinga 11:21 ပူးပေါင်းရင်းမြစ်များ

Amainhama 45:24

Agho yaasiibula baganda be, yaabakoba ati: “Mutasoolera mu ngira.”

2 Samueli 3:21

Abuneri yaakoba Daudi ati: “Isebantu kyabazinga, ka nkole nje nkusololeze Abaisiraeli boonaboona iwe musengwa wange, bakole n'iwe endagaano obafugenga boonaboona nga bwe wayenda.” Agho Daudi yaasiibula Abuneri ng'amaze okumukakasa ng'aidha kuja mu miraala.

1 Bakyabazinga 11:20

Muganda wa Tahapenesi oyo yaazaalira Hadadi omwana omulenzi, yaamweta Genubathi. Omwana oyo yaatuusa okuva ku mabeere nga Tahapenesi ali mu kisaagaati kya kyabazinga. Kale Genubathi yaakulira mu kisaagaati kya kyabazinga w'e Misiri ghalala n'abaana ba kyabazinga.

1 Bakyabazinga 11:22

Aye kyabazinga yaamubuuza ati: “Kiki ky'oli kudhulirira ng'oli eno ewange, ekiri kukwendesa okwirayo mu nsi y'ewaimwe?” Hadadi yairamu ati: “Iwe ndeka buleke, nje.”

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 2:34

Kale Benaia mutabane wa Yehoiada yaaja yaita Yoabu, baamuziika ewuwe mu irungu.

Okuvaayo 4:19

Musa bweyali ng'akaali mu Midia, Musengwa Katonda yaamukoba ati: “Irayo e Misiri, kuba abantu boonaboona abaayendanga okukwita baafa.”

Matayo 2:20

Yaamukoba ati: “Situka ogeme ku mwana n'inhina muje mu nsi ya Isiraeli, kuba abaali banoonia okwita omwana bamaze okufa.”

Yoshua 2:21

Agho yaabakoba ati: “Ndidha kukola nga bwe munkobye.” Yaabasiibula baaja. Era nga bamaze okuja, yaasiba akawuuzi kale ak'olugoye lw'erangi ya kasaayisaayi mu dinisa.

1 Samueli 9:26

Agho obwire nga buli kukya, Samueli yaayeta Saulo ghaigulu ku ndhu, ng'amukoba ati: “Situkagho nkusiibule oje.” Agho Saulo yaasitukagho, baafuluma bombi ni Samueli.