1 Bakyabazinga 11:13 - Baibuli Ekibono kya Katonda 2014

¹³ Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

1 Bakyabazinga 11:13 ပူးပေါင်းရင်းမြစ်များ

1 Bakyabazinga 11:14

Agho Musengwa Katonda yaasiikuula omulangira Hadadi ow'e Edomu, yaafuuka omuzigu wa Solomoni.

1 Bakyabazinga 11:32

Solomoni aidha kusigaza ekika kirala ku lw'omugheereza wange Daudi, ni ku lwa Yerusalemu ekibuga kye nalondamu mu bika byonabyona ebya Isiraeli.

1 Bakyabazinga 11:39

Era ndibonereza baidhukulu ba Daudi olw'ebibi bya Solomoni, aye tiribabonereza byanda na byanda.’ ”

1 Bakyabazinga 12:17

Aye Rehoboamu yaasigala ng'akaafuga Abaisiraeli abaabanga mu kiketezo eky'e Buyudaaya bonka.

1 Bakyabazinga 12:19

Okuva n'olwo, Abaisiraeli ab'omu kiketezo eky'oku luuyi olw'omukono omugooda olw'e buvandhuba wa Isiraeli, baadheema okufugibwa ab'endhu ya Daudi ni ye buli eno.

1 Bakyabazinga 12:20

Agho abantu ab'omu Isiraeli yoonayoona, bwe baawulira nga Yeroboamu aize okuva e Misiri, baamwetesa okwidha ghe baali beesololeiza, era baamufuula kyabazinga wa Isiraeli yoonayoona. Ekika kya Yuda kyonka n'ekyasigala nga kikaafugibwa ab'endhu ya Daudi.

1 Bakyabazinga 8:29

Kuumanga eisinzizo lino omusana n'obwire, kuba kino n'ekifo kye wakoba oti, ‘Omwo mwe banansinzizanga.’ Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 19:34

Ndidha kulwanirira ekibuga kino, nkikuume olw'ekitiibwa kyange, ni ku olw'omugheereza wange Daudi.’ ”

2 Bakyabazinga 21:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga.”

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Bakyabazinga 8:19

Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

Zabbuli 132:1

Wo Musengwa Katonda, oteerabira mugheereza wo Daudi era oteerabira bukaluubirivu bwe yagumira.

Zabbuli 132:17

Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Zabbuli 89:49

Musengwa Katonda, okugonza kwo okutakoma okw'eira kwalaga gha? Ebyo bye wasuubiza Daudi byaja gha?

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Isaia 62:7

Batamuganha kuwuumulaku naire, okutuusa ng'aiziizaagho Yerusalemu obuyaaka, yaakireetera okusaakibwa mu nsi yoonayoona.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.