1 Bakyabazinga 11:1 - Baibuli Ekibono kya Katonda 2014

¹ Kyabazinga Solomoni yayenda abakazi kamaala abamaghanga agandi, omwali ni mughala wa kyabazinga ow'e Misiri, n'abakazi Abamoabu, n'Abammoni, n'Abaedomu, n'Abasidoni, n'Abahitti.

1 Bakyabazinga 11:1 ပူးပေါင်းရင်းမြစ်များ

1 Bakyabazinga 11:8

Era mu nsambo n'endala eyo, yaazimbira bakazi be boonaboona abamaghanga agandi, ebifo mwe baaniokezanga obubbaani era ni baghangayo emisengo y'emisambwa gyaibwe.

1 Bakyabazinga 14:21

Rehoboamu mutabane wa Solomoni yafuuka kyabazinga wa Buyudaaya ng'agheza emyaka amakumi ana na mulala (41). Yaafugira entangama ya myaka ikumi na musanvu (17) mu Yerusalemu, ekibuga Musengwa Katonda kye yalondamu okumusinzizangamu mu bibuga byonabyona eby'ebika bya Isiraeli. Inhina wa Rehoboamu oyo yali ayetebwa Naama, nga Muammoni.

1 Bakyabazinga 14:31

Rehoboamu yaafa, yeeyimba ku badhaadha be abaafa. Yaaziikibwa mu lwambiidhi lwa badhaadha be abo, mu kyetebwa Ekibuga kya Daudi. Inhina wa Rehoboamu yali ng'ayetebwa Naama, era nga Muammoni. Mutabane wa Rehoboamu oyo eyayetebwanga Abiyamu, n'eyasikira ise oyo ku bwakyabazinga.

1 Bakyabazinga 16:31

Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

Ezera 10:44

Abasaadha abo boonaboona baali n'abakazi abamaghanga agandi, baamala baabasiibula. Era abakazi abo baaja n'abaana baibwe.

Ezera 9:1

Ebyo bwe byawa, abandi ku bakulembeze ab'abantu Abaisiraeli baidha ye ndi, bankoba bati: “Bakabona, n'Abalevi, n'Abaisiraeli abandi, bakaali n'enkolagana n'abantu ab'omu biketezo bino mwe tuli. Bakola ebintu ebyenhinhalwa ng'oti n'Abakanaani, n'Abahitti, n'Abaperizzi, n'Abayebusi, n'Abammoni, n'Abamoabu, n'Abamisiri, n'Abamori bye bakola.

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Ensambo 2:16

Amagezi gaidha kukuwonianga omukazi omwenzi, akusendasenda ng'akozesa olulimi olw'okwewooya.

Ensambo 22:14

Olulimi olw'okwewooya omukazi omwenzi lw'akozesa, luli ng'oti lwina luleeyiriri, omuntu Musengwa Katonda y'asungughalira, n'alugwamu.

Ensambo 23:33

Olwo waatoolera okubona ebintu ebitategeerekeka, era nga toghanga kulowooza oba kwogera bukalamu.

Ensambo 31:3

Otamaliranga maani go ku bakazi waire okumalira ebibyo ku abo abazikiriza bakyabazinga.

Ensambo 6:24

Bikuwonia omukazi omukozi ow'ebibi, muka beene oyo, akusendasenda ng'akozesa olulimi olw'okwewooya.

Ensambo 7:5

Ebyo biidha kukuwonianga omukazi omwenzi, oyo muka beene akusendasenda ng'akozesa olulimi olw'okwewooya.

Abalevi 18:18

Otabayizanga muganda wa mukazi wo n'aba mughalikwa we.

Amateeka Agokubiri 17:17

Kyabazinga alobenga kubayiza bakazi kamaala, olwo omwoyo gwe lwe gunaalobanga okutwalirizibwa einho. Era alobenga kwebbuutaku bukombe bungi obwa feeza ni zaabu.