1 Bakyabazinga 10:5 - Baibuli Ekibono kya Katonda 2014

⁵ n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'abo abaagheerezanga eby'okunhwa. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

1 Bakyabazinga 10:5 ပူးပေါင်းရင်းမြစ်များ

1 Bakyabazinga 10:4

Kyabazinga omukazi ow'e Sheba oyo yaabona amagezi ga Solomoni, n'ekisaagaati kye eky'obwakyabazinga kye yazimba,

1 Bakyabazinga 10:6

Agho yaakoba Solomoni ati: “Bye nawulira nga ndi mu nsi yange ku bikolwa byo ni ku magezi go, byali bituufu.

2 Bakyabazinga 16:18

Era olw'okwenda okusanhusa kyabazinga w'e Assiria, Ahazi yaatoolagho olukuubo olusereke olw'okubitamu ku Sabbato olwali munda mu kisaagaati kya kyabazinga. Yaaziba n'omulyango kyabazinga gwe yaingirirangamu mu isinzizo.

1 Ebyomubyanda 26:16

Shuppimu ni Hosa baalondebwa okukuumanga omulyango ogw'oku luuyi olw'e bugwandhuba, era n'omulyango ogwetebwa Shallekethi oguli ku luguudo oluniinaniina eitale. Bombi abo baakuumanga mu ngobo.

1 Ebyomubyanda 9:18

Abo n'abaakuumanga omulyango ogw'e buvandhuba ogwetebwa Omulyango gwa Kyabazinga. Era n'abaakuumanga emiryango mu kifo Abalevi ghe baasimbanga weema dhaibwe.

2 Ebyomubyanda 23:13

Okuja okulinga ati, ng'abona kyabazinga ayemereire okumpi n'omulyango gha mpango agheemerera kyabazinga, ng'abaduumizi b'eigye n'abafuuyi ab'amagwala bamuli agho kumpi. Era ng'abantu boonaboona bali kusagamba nga bwe bafuuwa amagwala. N'abembi boona nga bali kukuba ebivuga byaibwe, nga bakulemberamu enhembo. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Ebyomubyanda 9:4

n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'ensambo abo abaagheerezanga eby'okunhwa ye baavaalangamu. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

Ezekieli 44:3

Omufuzi anaabangagho mu kiseera ekyo, yenka n'anaagubitangamu okuja okulya ku kiiwulo ekitukuvu mu maiso gange nze Musengwa Katonda. Aidha kwingiriranga mu kisasi eky'oku mulyango, era yeene eyo y'aidha okufulumiranga.”

Ezekieli 46:2

Kyabazinga aidha kwingiranga mu mulyango ogwo ng'aviira ku luya olw'okuliya, yaabitira mu kisasi eky'oku mulyango. Aidha kwemereranga gha bikondo eby'omulyango ogwingira mu luya olw'omunda, nga bakabona bali kughaayo ku lulwe ebigheebwayo ebyokebwa n'ebigheebwayo olw'okutabagana. Era kyabazinga oyo aidha kusinzizanga agho gha mulyango, memale afulume. Aye omulyango gwidha kusigalanga nga mwigule okutuusa eigulo.

Luka 18:10

“Olwatuuka nga ghabaagho abantu babiri, Omufarisaayo n'omughooza w'omusolo, nga baja mu isinzizo okusaba.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.