1 Bakyabazinga 10:25 - Baibuli Ekibono kya Katonda 2014

²⁵ Buli muntu eyaidhanga, ng'aleeta ekirabo: ebintu bya feeza n'ebya zaabu, ebivaalo, eby'okulwanisa, obuwoowo, embalaasi n'enhumbu. Abantu baaleetanga ebintu ebyo buli mwaka.

1 Bakyabazinga 10:25 ပူးပေါင်းရင်းမြစ်များ

Amainhama 36:24

Abaana ba Zibeoni ni bano: Aya ni Ana. Ana oyo n'eyazuula ensulo ey'amaadhi amasu mu irungu, bweyali ng'ali kwaya endogoyi dha ise.

2 Samueli 8:10

Kale yaatuma mutabane we Yoramu ye Daudi oyo n'obukwenda obw'okumulamusa n'okumukangaalusa olw'okulwanisa Hadadezeri n'amughangula; kuba Hadadezeri oyo yalwanisanga Toi emikuzi kamaala. Yoramu oyo yaatwalira Daudi ebintu ebya feeza, n'ebya zaabu, n'eby'ekyuma eky'ekikomo.

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

1 Bakyabazinga 1:33

kyabazinga yaabakoba ati: “Muje n'abakungu bange, mutyamye mutabane wange Solomoni ku nhumbu yange yeene, y'abe avuge. Olwo muserengete e Gihoni,

1 Bakyabazinga 10:10

Agho yaatonera kyabazinga zaabu agheza kilo ng'oti enkumi ina (4,000), n'obuwoowo kamaala inho, n'amabaale ag'omughendo. Era tighaidhangaghooku kabiri bya buwoowo byaga agho bungi ng'oti n'ebyo kyabazinga omukazi ow'e Sheba bye yatonera kyabazinga Solomoni.

1 Bakyabazinga 18:5

Agho Ahabu yaakoba Obadia ati: “Ja ku nsulo edh'amaadhi dhoonadhoona ni mu biiko. Oba katyo tunaayagaanayo eisubi, twawonia embalaasi n'enhumbu okufa, olwo tulobe kubaaku nsolo dhe tufiirwa.”

1 Bakyabazinga 5:1

Agho kyabazinga Hiramu ow'e Tiro yaawulira nga Solomoni asiigiibwa omuzigo, okusikira lata we ku bwakyabazinga. Kale yaasindika abagheereza be ye Solomoni, kuba Hiramu oyo yali mukagwa wa Daudi okuva eira.

2 Bakyabazinga 17:4

Aye kyabazinga oyo ow'e Assiria yaagwa mu lukwe lwa Hoshea olw'okudheema, nga Hoshea oyo agheereiza abakwenda okusaba kyabazinga So owa Misiri amuyambe, era nga Hoshea oyo alekeire n'okugha kyabazinga w'e Assiria omusolo nga bwe yakolanga buli mwaka. Agho kyabazinga w'e Assiria yaagema Hoshea oyo, yaamusiba mu ikomera.

2 Ebyomubyanda 26:8

Abammoni baamughanga omusolo, era yaamanhikana inho okutuukira irala ku nsalosalo ni Misiri, kuba yafuuka wa maani inho.

2 Ebyomubyanda 9:24

Buli eyaidhanga, ng'aleeta ekirabo: ebintu bya feeza n'ebya zaabu, ebivaalo, obuwoowo, embalaasi, n'enhumbu. Baaleetanga ebintu ebyo mu bungi buli mwaka.

Ezera 2:66

Baira n'embalaasi dhaibwe lusanvu n'asatu na mukaaga (736), n'enhumbu ebikumi bibiri n'ana na itaanu (245),

Yobu 42:11

Agho baganda ba Yobu ni baanhina, ni boonaboona abaali bamwidhi baidha, baaliira ghalala naye ekiiwulo mu nnaku ye. Era baamusaasira olw'ebizibu byonabyona Musengwa Katonda bye yamutuusaaku. Buli muntu yaamugha ekitundu kya feeza n'empeta eya zaabu.

Zabbuli 68:29

ng'oli mu isinzizo lyo e Yerusalemu bakyabazinga ye bakutonerera ebirabo.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Zabbuli 72:15

Aghangaale! Abantu ab'omu Sheba bamughenga zaabu; abantu bamusabirenga era bamwendezenga enkabi buliidho omusana n'obwire.

Isaia 36:16

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala eby'emizabbibu egigye gyene, n'eby'emiti emitiini egigye gyene, era anhwenga amaadhi ag'omu nsulo eyiye yeene,

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Ezekieli 27:14

Ab'e Bethi Togarima baagulanga ebintu bye wasuubulanga, baakusasulangamu embalaasi edh'okutambuliraku, n'edh'omu lutalo, n'enhumbu.

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

Abalamuzi 3:15

Aye Abaisiraeli bwe baalirira Musengwa Katonda, Musengwa Katonda oyo yaabateeragho omuntu eyabanunula, nga ni Ehudi mutabane wa Gera, ow'omu kika kya Benjamini. Ehudi oyo yali wa igooda. Agho Abaisiraeli baatuma Ehudi oyo okutwala ebirabo ye kyabazinga Eguloni ow'e Moabu.

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.