1 Bakyabazinga 10:24 - Baibuli Ekibono kya Katonda 2014

²⁴ Abantu ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

1 Bakyabazinga 10:24 ပူးပေါင်းရင်းမြစ်များ

1 Bakyabazinga 10:1

Agho kyabazinga omukazi ow'e Sheba bwe yawulira obumanhifu bwa Solomoni obwamugheebwa Musengwa Katonda, yaidha n'ebibuuzo ebikalangafu okumuleba.

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

2 Ebyomubyanda 1:11

Agho Katonda yaakoba Solomoni ati: “Nga bw'olowooziiza ku ekyo, n'oteesabira kufuna bukombe, oba ebintu, oba ekitiibwa, oba okuzikiriza abazigu bo, oba okughangaala, aye ni weesabira amagezi n'okumanha, osobole okufuganga abantu bange be nakugemya obe kyabazinga waibwe,

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Ezekieli 16:14

Era wamanhikana inho mu maghanga kamaala olw'obulungi obw'emboneka yo obwo, obwali bubitiriire einho olw'ebyo bye nakukolaku.” Musengwa Katonda atyo bw'akoba.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.