1 Bakyabazinga 10:21 - Baibuli Ekibono kya Katonda 2014

²¹ Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

1 Bakyabazinga 10:21 ပူးပေါင်းရင်းမြစ်များ

1 Bakyabazinga 10:17

Yaagheesa n'engabo entono ebikumi bisatu, buli ndala yaagirimbyaku zaabu azitogha kilo ng'oti ibiri. Dhoonadhoona yaadhita mu ndhu eyayetebwanga Ekibira kya Lebanoni.

1 Bakyabazinga 10:20

Ghaaligho n'ebifaananie ebindi eby'empologoma ikumi na bibiri, nga dheemereire ndala ndala ku luuyi ni ku luuyi okwa buli idaala, ku madaala gale omukaaga. Tighaalighooku kityamo kya bwakyabazinga kyakolebwa kabiri mu bwakyabazinga bundi, nga kifaanana n'ekyo.

1 Bakyabazinga 10:22

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli lumaliira lwa myaka esatu, olugololiro olw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

1 Bakyabazinga 7:2

Yazimba endhu eyayetebwanga Ekibira kya Lebanoni, ng'egheza mita amakumi ana na ina (44) mu buleeyi, mita amakumi abiri na ibiri (22) mu bugazi, n'emita ikumi na isatu n'ekitundu (13.5) mu bugungumavu. Yagizimbira ku nhiriri isatu edh'empango edh'omuvule, kwe baata emiti emikiika gyona nga gya muvule.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Zekaria 9:3

Tiro kyamala okwezimbaku ekimante ekigumu okukyezungulula, kyabunga feeza omungi ng'oti nkungu, ni zaabu omungi ng'oti bityanka bya mu nguudo.

Amateeka Agokubiri 17:17

Kyabazinga alobenga kubayiza bakazi kamaala, olwo omwoyo gwe lwe gunaalobanga okutwalirizibwa einho. Era alobenga kwebbuutaku bukombe bungi obwa feeza ni zaabu.