1 Bakyabazinga 10:20 - Baibuli Ekibono kya Katonda 2014

²⁰ Ghaaligho n'ebifaananie ebindi eby'empologoma ikumi na bibiri, nga dheemereire ndala ndala ku luuyi ni ku luuyi okwa buli idaala, ku madaala gale omukaaga. Tighaalighooku kityamo kya bwakyabazinga kyakolebwa kabiri mu bwakyabazinga bundi, nga kifaanana n'ekyo.

1 Bakyabazinga 10:20 ပူးပေါင်းရင်းမြစ်များ

Amainhama 49:9

Yuda oli ng'oti mpologoma nto: era mwana wange oize ng'ova okuyiiga. Okutaime, waabwama ng'oti mpologoma nsaadha, oba ng'oti mpologoma nkazi. Ghazira akana kukukobaku.

1 Bakyabazinga 10:19

Ekityamo ekyo kyaliku amadaala mukaaga, ng'einhuma waakyo eriyo ekifaananie eky'omutwe ogw'ente ento. Era kyaliku ekintu kw'owuumuliza emikono eruuyi n'eruuyi, nga ku mbali okwa buli kintu kw'owuumuliza emikono, ghaligho ekifaananie ky'empologoma eyemereire.

1 Bakyabazinga 10:21

Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

Okubala 23:24

Bona eighanga eryo! Lisituka ng'oti mpologoma nkazi, lyebbeeda ng'oti mpologoma nume. Tiriwuumula nga tirituukiriiza kigendererwa kyalyo, ng'oti n'empologoma bwetawuumula nga temaze kuvaabira omuyiigo gwayo, n'okunhwa omusaayi gw'ekyo ky'eise.”

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”