1 Bakyabazinga 10:12 - Baibuli Ekibono kya Katonda 2014

¹² Kyabazinga Solomoni yaakozesa embaawo edho okukolera obukomera ku madaala ag'omu isinzizo, n'ag'omu kisaagaati kye. Yaadhikolamu n'endingidi, n'entongooli edh'abembi. N'okuva ku olwo, mu Isiraeli timwairamu kuleetebwamu waire okubonekamu embaawo edh'emiti emyalumugi edhiri ng'oti n'edho, okutuusa ni ye buli eno.

1 Bakyabazinga 10:12 ပူးပေါင်းရင်းမြစ်များ

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

1 Bakyabazinga 10:11

Olugololiro olw'amaato ga Hiramu olwaleeta zaabu okuva mu Ofiri, era ni lwene olwo olwaleeta n'embaawo edhaali kamaala einho edh'emiti egyetebwa emyalumugi, n'amabaale ag'omughendo.

1 Bakyabazinga 10:13

Agho kyabazinga Solomoni yaagha kyabazinga omukazi ow'e Sheba byonabyona bye yayenda na buli kye yasaba, nga tobaliireeku ebyo kyabazinga Solomoni mwene bye yayiiya okumugha mu mwoyo omugabi. Kale kyabazinga omukazi oyo yaasiibula, yairayo mu nsi ye, ghalala n'abagheereza be.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

2 Ebyomubyanda 9:11

Kyabazinga Solomoni yaakozesa embaawo edho okukola amadaala ag'omu isinzizo, n'ag'omu kisaagaati kye eky'obwakyabazinga. Yaadhikolamu n'endingidi, n'entongooli edh'abembi. Mu Buyudaaya mwali timubangamuuku mbaawo edhiri ng'oti n'edho.