1 Bakyabazinga 10:11 - Baibuli Ekibono kya Katonda 2014

¹¹ Olugololiro olw'amaato ga Hiramu olwaleeta zaabu okuva mu Ofiri, era ni lwene olwo olwaleeta n'embaawo edhaali kamaala einho edh'emiti egyetebwa emyalumugi, n'amabaale ag'omughendo.

1 Bakyabazinga 10:11 ပူးပေါင်းရင်းမြစ်များ

1 Bakyabazinga 10:12

Kyabazinga Solomoni yaakozesa embaawo edho okukolera obukomera ku madaala ag'omu isinzizo, n'ag'omu kisaagaati kye. Yaadhikolamu n'endingidi, n'entongooli edh'abembi. N'okuva ku olwo, mu Isiraeli timwairamu kuleetebwamu waire okubonekamu embaawo edh'emiti emyalumugi edhiri ng'oti n'edho, okutuusa ni ye buli eno.

1 Ebyomubyanda 1:23

Ofiri, Havila, ni Yobabu. Abo boonaboona baali baana ba Yokutani.

2 Ebyomubyanda 2:7

Kale ni mpeereza omuntu omukugu mu kugheesa ebintu ebya zaabu, n'ebya feeza, n'eby'ekikomo, n'eby'ekyuma ekigumu einho, n'okukola engoye edha langi ya bbululu, n'edh'eya nakasooma, n'edh'eya kasaayisaayi. Era nga mukugu mu kubaadha amabaale, asobole okukoleranga ghalala n'abakozi bange abakugu ghano mu Buyudaaya ni mu Yerusalemu, lata wange be yataagho.

2 Ebyomubyanda 2:8

Mpeereza emiti emivule, n'emisipuressi, n'emyalumugi, okuva mu Lebanoni, kuba ndidhi ng'abantu bo bwe baidhi einho okutema emiti eyo mu Lebanoni. Era abantu bange baidha kukolera ghalala n'ababo,

2 Ebyomubyanda 8:18

Kyabazinga Hiramu yaasindika ku bagheereza be n'amaato, abaali n'obumanhi ku by'oku nhandha, baajiira mu maato ago ghalala n'abagheereza ba Solomoni. Baaja mu nsi Ofiri, baatoolayo zaabu agheza kilo ng'oti omutwalo mulala n'enkumi itaanu (15,000), baamuleetera kyabazinga Solomoni.

Yobu 22:24

Suula ere zaabu wo mu nkungu, ni zaabu wo omukenenule ow'e Ofiri omusuule mu mabaale ag'omu mwiga.

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.