1 Bakyabazinga 1:47 - Baibuli Ekibono kya Katonda 2014

⁴⁷ Ate ekindi, abakungu ba kyabazinga baidhie okweisuusa musengwa waife kyabazinga Daudi, baakoba bati, ‘Tweghemba Katonda wo afuule Solomoni okuba omumanhifu okusinga iwe bw'obaire, era afuule obwakyabazinga bwa Solomoni oyo bube bukologho inho okusinga obubwo bwe bubaire.’ Agho kyabazinga Daudi yeebaliza ku buliri bwe,

1 Bakyabazinga 1:47 ပူးပေါင်းရင်းမြစ်များ

Amainhama 47:31

Yakobo yaakoba ati: “Layira ng'oidha kukola otyo.” Yosefu yaalayira. Isiraeli yeebaliza ku buliri bwe.

2 Samueli 21:3

Kale Daudi yaakoba Abagibeoni ati: “Mbakolere ki? Mutango ki gwe mbe mbaghe, memale musabire enkabi abantu ba Musengwa Katonda ababe ku bubwe?”

2 Samueli 8:10

Kale yaatuma mutabane we Yoramu ye Daudi oyo n'obukwenda obw'okumulamusa n'okumukangaalusa olw'okulwanisa Hadadezeri n'amughangula; kuba Hadadezeri oyo yalwanisanga Toi emikuzi kamaala. Yoramu oyo yaatwalira Daudi ebintu ebya feeza, n'ebya zaabu, n'eby'ekyuma eky'ekikomo.

1 Bakyabazinga 1:37

Nga Musengwa Katonda bw'abairenga n'iwe, Isebantu kyabazinga, era atyo bw'abe abenga ni Solomoni, era aleetere obufuzi bwe okuba obukologho einho okusinga obubwo.”

Ezera 6:10

Olwo baghengayo eri Katonda ow'eigulu emisengo gy'asiima, era bansabirenga nze kyabazinga n'eizaire lyange.

Okuvaayo 12:32

Mutwale entaama dhaimwe, n'embuzi, n'ente, mugolole. Mbasaba zeena munsabire enkabi.”

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

Abaheburayi 11:21

Okwikiriza n'okwaleetera Yakobo, bwe yali ng'ali kumpi okufa, okusabira abaana ba Yosefu mulala mulala babe ba nkabi, ng'akotaime ku mwigo gwe era ng'asinza Katonda.