1 Bakyabazinga 1:42 - Baibuli Ekibono kya Katonda 2014

⁴² Yali akaayogera, yaja okubona, nga Yonathani mutabane wa Abiathari kabona, aidha. Adoniya yaakoba Yonathani oyo, ati: “Ingira, kuba oli musaadha mukalamu, era n'amawulire g'oleese malungi.”

1 Bakyabazinga 1:42 ပူးပေါင်းရင်းမြစ်များ

2 Samueli 15:27

Kyabazinga Daudi era yaakoba Zadoki kabona ati: “Bona eno, irayo mu kibuga n'emiraala, ghalala ni mutabane wo Ahimaazi, ni Yonathani mutabane wa Abiathari.

2 Samueli 15:36

Era abo bali eyo ni batabane baibwe: Ahimaazi nga ni mutabane wa Zadoki ate Yonathani yaaba mutabane wa Abiathari. Kale abo be mwidhanga okutuma, bandeeterenga amawulire goonagoona ge munaawuliranga.”

2 Samueli 17:17

Mu kiseera ekyo Yonathani mutabane wa Abiathari ni Ahimaazi mutabane wa Zadoki, baali bateegereire nga bali mu kifo ekyetebwa Enirogeli, kuba baali tibenda bantu kubabona nga baingira mu kibuga. Omugheereza omughala n'eyabatwaliranga obukwenda, ni baja bakobera kyabazinga Daudi.

2 Samueli 18:27

Omukuumi yaakoba ati: “Ndi kubona ng'omuntu akulembeiremu alumuka ng'oti ni Ahimaazi, mutabane wa Zadoki.” Kyabazinga yaakoba ati: “Oyo muntu mukalamu era ali kuleeta mawulire malungi.”

1 Bakyabazinga 1:41

Adoniya n'abageni be boonaboona be yali nabo, baali nga bali kumaliriza ekibinuko kyaibwe, baawulira okuwowoigana okwo. Era Yoabu bwe yawulira okuvuga kw'eigwala, yaabuuza ati: “Okwasiikana okwo kwonakwona mu kibuga kutegeeza ki?”

1 Bakyabazinga 1:43

Yonathani yaira mu Adoniya ati: “Busa naire, kuba musengwa waife kyabazinga Daudi atairegho Solomoni okuba kyabazinga.

1 Bakyabazinga 22:18

Kyabazinga Ahabu owa Isiraeli yaakoba Yehoshafati ati: “Tyakukobeire nti taidha kulanga bikalamu ku nze, okutoolaku ebibi!”

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

Isaia 57:21

Aboonooni tibaba na miraala naire.” Musengwa Katonda atyo bw'akoba.