1 Bakyabazinga 1:35 - Baibuli Ekibono kya Katonda 2014

³⁵ Eyo mwidha kuvaayo nga mumunonereza, aidhe atyame ku kityamo kyange eky'obwakyabazinga kuba n'aidha okuba kyabazinga mu kifo kyange. Era mmutairegho okuba omufuzi wa Isiraeli ni Buyudaaya.”

1 Bakyabazinga 1:35 ပူးပေါင်းရင်းမြစ်များ

1 Bakyabazinga 1:13

Situkiramu oje ye kyabazinga Daudi, omukobe oti, ‘Isebantu kyabazinga, tiwandayirira nze omugheereza wo omukazi, oti mutabane wange Solomoni n'alikusikira era nga n'alityama ku kityamo kyo eky'obwakyabazinga? Memale kabiri Adoniya afuuse atya kyabazinga?’ ”

1 Bakyabazinga 1:17

Bathisheba yairamu ati: “Isebantu kyabazinga, nze omugheereza wo omukazi wandayirira mu liina lya Musengwa Katonda wo, oti mutabane wange Solomoni n'alikusikira, era nga n'alityama ku kityamo kyo eky'obwakyabazinga.

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

1 Bakyabazinga 1:36

Benaia mutabane wa Yehoiada yairamu ati: “Amiina. Era, musengwa wange kyabazinga, neeghemba Musengwa Katonda wo akikakase.

1 Bakyabazinga 2:12

Agho Solomoni yaasikira lata we Daudi ku bwakyabazinga, era obwakyabazinga bwe bwaba bugumu bwene.

1 Bakyabazinga 2:15

Adoniya yaakoba ati: “Oidhi bukalamu nga ninze eyali ow'okusikira obwakyabazinga, era ng'abantu boonaboona mu Isiraeli ekyo kye baali basuubira. Aye muganda wange yaafuuka kyabazinga, kuba Musengwa Katonda atyo bwe yayenda.

1 Ebyomubyanda 23:1

Daudi bwe yakairigha einho, yaafuula mutabane we Solomoni kyabazinga wa Isiraeli.

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”