1 Bakyabazinga 1:33 - Baibuli Ekibono kya Katonda 2014

³³ kyabazinga yaabakoba ati: “Muje n'abakungu bange, mutyamye mutabane wange Solomoni ku nhumbu yange yeene, y'abe avuge. Olwo muserengete e Gihoni,

1 Bakyabazinga 1:33 ပူးပေါင်းရင်းမြစ်များ

Amainhama 41:43

Yaamugha ekigaali kye eky'omu lutalo ekyokubiri yaatambuliramu, era baaja nga balangirira emberi we bati: “Mukube amakiryaivu.” Atyo kyabazinga yaagha Yosefu okufuganga ensi yoonayoona ey'e Misiri.

2 Samueli 13:29

Kale abagheereza ba Abusalomu baakola nga bwe yabalagira, baita Amunoni. Agho batabane ba kyabazinga abandi baasitukiramu, buli muntu yaaniina enhumbu ye yaalumukagho.

1 Bakyabazinga 1:38

Agho Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baatyamya Solomoni ku nhumbu ya kyabazinga Daudi, yaagivuga era baaja naye e Gihoni.

1 Bakyabazinga 1:5

Agho Adoniya mutabane wa kyabazinga Daudi, ye yazaala mu mukazi ayetebwa Haggithi, yeekuluntaza ng'akoba mule ati: “Ninze ndidha okuba kyabazinga.” Era yeetegekerayo ebigaali eby'omu lutalo, n'abavuzi b'embalaasi, n'abasaadha amakumi ataanu ab'okumukuumanga.

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

1 Ebyomubyanda 29:22

Ku lunaku olwo baaliira era baanhwera mu maiso ga Musengwa Katonda, nga basagamba ebitaloodheka. Agho bairamu okulangirira Solomoni mutabane wa Daudi okuba kyabazinga, baamusiiga omuzigo abafugenga mu liina lya Musengwa Katonda, ni Zadoki abenga kabona.

2 Ebyomubyanda 32:30

Era Hezekia mwene oyo, n'eyasemba omweta ogw'amaadhi ogw'eitale, ogw'ensulo ya Gihoni. Yaasimagho ogundi ogwaleetera amaadhi ago okukuuluulira ku luuyi olw'e bugwandhuba bw'ekibuga kya Daudi. Hezekia oyo ebintu byonabyona byamujiiranga bukalamu.

2 Ebyomubyanda 33:14

Ebyo nga biwoire, Manasse yaazimba ekimante eky'okuliya ku kyetebwa Ekibuga kya Daudi ku luuyi lwa Gihoni olw'e buvandhuba mu kiiko, okutuuka aghaingirirwa mu gwetebwa Omulyango ogw'Ebyenhandha, n'okutuukira irala mu kitundu ekyetebwa Ofeli ekiri mu kibuga ekyo. Yaakizimba yaakituusa ghaigulu inho. Era yaata n'abaduumizi b'eigye mu bibuga ebindi ebyezungulwirwa ebimante ebigumu mu Buyudaaya.

Abalevi 19:19

“Mugemenga ebiragiro byange. Otaganhanga nsolo dho kuzaalagana na dha kika kindi. Otasiganga mu nimiro yo nsigo dha bika bibiri. Otavaalanga kivaalo kya ngoye dha bika bibiri ebirukiirwa aghalala.