1 Bakyabazinga 1:31 - Baibuli Ekibono kya Katonda 2014

³¹ Agho Bathisheba yaakuba amakiryaivu, yaakutama n'ekyeni kyatuuka ku itaka mu maiso ga kyabazinga. Yaakoba ati: “Isebantu kyabazinga Daudi, ghangaala byanda na byanda!”

1 Bakyabazinga 1:31 ပူးပေါင်းရင်းမြစ်များ

2 Samueli 9:6

Agho Mefiboshethi mutabane wa Yonathani era mwidhukulu wa Saulo, yaidha ye Daudi, yaakutama n'ekyeni kyatuuka ku itaka. Daudi yaamweta ati: “Mefiboshethi.” Mefiboshethi yaavugira ati: “Isebo, ndi ghano nze omugheereza wo.”

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

Nehemia 2:3

Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Danieli 2:4

Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 3:9

Baakoba kyabazinga Nebukadinezzari bati: “Isebantu kyabazinga, ghangaala byanda na byanda!

Danieli 5:10

Inhina wa kyabazinga bwe yawulira okwasiikana kwa kyabazinga n'okw'abakungu be okwali mu kisenge eky'embaga, yaingira mu kisenge ekyo. Inhina wa kyabazinga oyo yaakoba ati: “Isebantu kyabazinga, ghangaala byanda na byanda! Leka kutya inho otyo, na maiso kukumyuka gatyo.

Danieli 6:21

Danieli yaamwiramu ati: “Isebantu kyabazinga, ghangaala byanda na byanda!

Danieli 6:6

Kale baaja ye kyabazinga nga bali ghalala, baamukoba bati: “Isebantu kyabazinga Dario, ghangaala byanda na byanda!

Matayo 21:37

Olumaliira yaabatumira omwana we, mule ng'akoba ati, ‘Omwana wange baidha kumutaamu ekinhagansi.’

Ab'Efeso 5:33

Aye n'imwe mwena, buli musaadha agonzenga mukazi we, nga bwe yeegonza mwene, era n'omukazi atenga mu iba ekinhagansi.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.

1 Samueli 24:8

Nga ghabiseeghooku akaseera, Daudi yeena yaafuluma mu mpuku, yaayeta Saulo ati: “Isebantu kyabazinga!” Saulo yaalinga einhuma. Daudi yaakuba amakiryaivu era yaakutama n'ekyeni kyatuuka ku itaka.