1 Bakyabazinga 1:29 - Baibuli Ekibono kya Katonda 2014

²⁹ Kyabazinga yaalayira ati: “Ndayira mu Musengwa Katonda omulamu eyamponia buli kabi koonakoona,

1 Bakyabazinga 1:29 ပူးပေါင်းရင်းမြစ်များ

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

2 Samueli 12:5

Agho obusungu bwa Daudi bwatumbukira ku muntu oyo ng'oti muliro. Yaakoba Nathani ati: “Ndayira Musengwa Katonda omulamu nti omuntu eyakola ekintu ekyo agwaniire kufa.

2 Samueli 4:9

Aye Daudi yairamu ati: “Ndayira Musengwa Katonda omulamu eyamponianga buli kabi koonakoona akandhidhiranga, nti

1 Bakyabazinga 1:28

Agho kyabazinga Daudi yairamu ati: “Ndhetera Bathisheba, aidhe.” Era Bathisheba yaidha, yaayemerera mu maiso ga kyabazinga.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

1 Bakyabazinga 2:24

Ndayira Musengwa Katonda omulamu eyampa obwakyabazinga bwa lata wange Daudi, nze n'ab'endhu yange, era n'andeetera okukakata ku kityamo eky'obwakyabazinga, nga bwe yasuubiza. Ndayira nti bwenebwene olwaleero Adoniya aidha kwitibwa.”

2 Bakyabazinga 4:30

Inhina w'omwana yaakoba ati: “Ndayira mu Musengwa Katonda omulamu, era nga weena bw'oli omulamu, nti tiidha kukuleka.” Kale, Elisha yaasituka, yaaja naye.

2 Bakyabazinga 5:16

Elisha yaakoba ati: “Ndayira mu Musengwa Katonda omulamu ye mpeereza nti tiidha kubaaku kintu kye ntwala waire ekirala.” Naamani yaamwegayirira inho akitwale, aye yaaloba.

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

Zabbuli 136:24

Yaidha yaatuwonia omuzigu eyali atughangwire; okugonza kwe tikukoma, kubaagho byanda na byanda.

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 72:14

Abatoola ku abo ababadaazadaaza; n'ababakola eby'obukambwe, obulamu bwaibwe yaabutwala nga bwa mughendo inho y'ali.

Abalamuzi 8:19

Gideoni yaakoba ati: “Abo baali baganda bange, abaana ba maama beene. Ndayira Musengwa Katonda omulamu nti ngoli timwabaita, mwena tinandibaise.”

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 19:6

Saulo yaikiriza ebyo Yonathani bye yamukoba, era yaalayira ng'akoba ati: “Bwenebwene mu Katonda omulamu, tiidha kwita Daudi.”

1 Samueli 20:21

Kale bwe nnaatuma omwisuka nga mmukoba nti, ‘Ja onoonie obulaso obwo’, era ni mmukoba nti, ‘Bona, obulaso buli ku luuyi lwo luno eno’, ng'olwo ovaayo. Ndayira mu Musengwa Katonda omulamu nti ghaidha kuba nga ghazira kabi koonakoona.