1 Bakyabazinga 1:25 - Baibuli Ekibono kya Katonda 2014

²⁵ Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

1 Bakyabazinga 1:25 ပူးပေါင်းရင်းမြစ်များ

2 Samueli 16:16

Hushai Omuaraki, mukagwa wa Daudi, bwe yaja ye Abusalomu, yaakoba Abusalomu ati: “Ghangaala kyabazinga! Ghangaala Kyabazinga.”

1 Bakyabazinga 1:19

Era aghaireyo bino ng'omusengo: ente enume, ente entototo empiite ensavu n'entaama kamaala. Era ayese batabane bo boonaboona, ni Abiathari kabona, ni Yoabu omuduumizi w'eigye. Aye Solomoni omugheereza wo tamwese.

1 Bakyabazinga 1:24

Agho yaakoba ati: “Isebantu kyabazinga, obwo bwene wakoba oti Adoniya n'alikusikira, era nga n'alityama ku kityamo kyo eky'obwakyabazinga?

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

1 Bakyabazinga 1:9

Agho Adoniya yaaghaayo bino ng'omusengo: entaama, ente enume n'ente entototo empiite ensavu. Yaabigheerayo agho gha ibaale eryetebwa Eibaale ery'Emisota, eriri okumpi n'akaiga akeetebwa Enirogeli. Yaayeta baganda be boonaboona, abo nga n'abaana ba kyabazinga Daudi, era yaayeta n'abakungu ba kyabazinga boonaboona ab'e Buyudaaya, okwidha okubaagho.

1 Bakyabazinga 2:15

Adoniya yaakoba ati: “Oidhi bukalamu nga ninze eyali ow'okusikira obwakyabazinga, era ng'abantu boonaboona mu Isiraeli ekyo kye baali basuubira. Aye muganda wange yaafuuka kyabazinga, kuba Musengwa Katonda atyo bwe yayenda.

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

2 Bakyabazinga 11:14

Okuja okulinga ati, ng'abona kyabazinga ayemereire gha mpango, agheemerera kyabazinga ng'empisa bweyali, ng'abafuuyi b'amagwala bamuli kumpi. Era ng'abantu boonaboona bali kusagamba nga bwe bafuuwa amagwala. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Bakyabazinga 9:13

Amangu geene ago buli muntu ku baduumizi abo, yaatoolamu ekivaalo kye ky'avaire, yaakyaliirira ku madaala Yehu aniineku. Baafuuwa eigwala baakoba bati: “Yehu ni kyabazinga!”

1 Ebyomubyanda 29:13

Agho ni Katonda waife, ife tukusiima era twasaaka eriina lyo ery'ekitiisa.

1 Ebyomubyanda 29:21

Baaghaayo emisengo eri Musengwa Katonda, era ku lunaku olwairirira baaghaayo emisengo egyokebwa gyonagyona okuwaagho: ente enume lukumi (1,000), n'entaama enume lukumi (1,000), n'entaama ento lukumi (1,000), n'ebigheebwayo eby'okunhwa ebijiiraku, n'emisengo egindi kamaala, gye baaghaayo ku lwa Isiraeli yoonayoona.

2 Ebyomubyanda 23:11

Agho yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka, yaafuuka kyabazinga. Olwo Yehoiada oyo kabona ghalala ni batabane be, baasiiga Yoashi omuzigo, era baakoba bati: “Kyabazinga ghangaala!”

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Matayo 22:4

Kabiri yaatuma abagheereza abandi yaabakoba ati, ‘Mukobe abaayetebwa muti, embaga etuuse, mmaze okwita ente endaagho n'ente entototo empiite, era mmaze okutegeka buli kintu baidhe ku mbaga.’

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”