1 Bakyabazinga 1:21 - Baibuli Ekibono kya Katonda 2014

²¹ Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

1 Bakyabazinga 1:21 ပူးပေါင်းရင်းမြစ်များ

Amainhama 15:15

Aye iwe olija eri badhaadha bo ng'oli miraala oliziikibwa ng'oghangaaliire irala bukalamu.

2 Samueli 7:12

Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza omulala ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

1 Bakyabazinga 1:12

Kale ni ka nkughe ku magezi osobole okuwonia obulamu bwo n'obwa mutabane wo Solomoni:

1 Bakyabazinga 1:20

Agho ni Isebantu kyabazinga, Abaisiraeli boonaboona balingiriire ku iwe okubakobera ow'okukusikira ku bwakyabazinga.

1 Bakyabazinga 1:22

Bathisheba yali akaayogera ni kyabazinga, Nathani omulanzi yaingira.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

1 Bakyabazinga 2:15

Adoniya yaakoba ati: “Oidhi bukalamu nga ninze eyali ow'okusikira obwakyabazinga, era ng'abantu boonaboona mu Isiraeli ekyo kye baali basuubira. Aye muganda wange yaafuuka kyabazinga, kuba Musengwa Katonda atyo bwe yayenda.

2 Ebyomubyanda 22:10

Agho Athalia inhina wa kyabazinga Ahazia bwe yabona nga mutabane we oyo bamwise, yaasitukiramu, yaazikiriza ab'oku lulyo olulangira boonaboona.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Abalamuzi 9:5

Agho yaaja mu ndhu ya ise mu Ofura, yaitirayo, ku ibaale irala, baganda be ensanvu, batabane ba Gideoni. Aye Yothamu mutabane wa Gideoni asembayo obuto, yeekweka, yaaloba kwitibwa.