1 Bakyabazinga 1:13 - Baibuli Ekibono kya Katonda 2014

¹³ Situkiramu oje ye kyabazinga Daudi, omukobe oti, ‘Isebantu kyabazinga, tiwandayirira nze omugheereza wo omukazi, oti mutabane wange Solomoni n'alikusikira era nga n'alityama ku kityamo kyo eky'obwakyabazinga? Memale kabiri Adoniya afuuse atya kyabazinga?’ ”

1 Bakyabazinga 1:13 ပူးပေါင်းရင်းမြစ်များ

1 Bakyabazinga 1:11

Agho Nathani omulanzi yaaja, yaakoba Bathisheba inhina wa Solomoni ati: “Iwe okaali kuwulira ng'Adoniya mutabane wa mughalikwa wo Haggithi yafuuse kyabazinga, era nga musengwa waife Daudi taidhi?

1 Bakyabazinga 1:14

Nathani yaayongeraku ati: “Agho bw'onaaba ng'okaayogera ni kyabazinga, zeena ndidha kutuukiragho mu kiseera ekyo era nkakase by'okoba.”

1 Bakyabazinga 1:17

Bathisheba yairamu ati: “Isebantu kyabazinga, nze omugheereza wo omukazi wandayirira mu liina lya Musengwa Katonda wo, oti mutabane wange Solomoni n'alikusikira, era nga n'alityama ku kityamo kyo eky'obwakyabazinga.

1 Bakyabazinga 1:24

Agho yaakoba ati: “Isebantu kyabazinga, obwo bwene wakoba oti Adoniya n'alikusikira, era nga n'alityama ku kityamo kyo eky'obwakyabazinga?

1 Bakyabazinga 1:30

ng'oti ni bwe nakulayirira mu Musengwa Katonda, Katonda wa Isiraeli, nga nkoba nti, ‘Solomoni n'alinsikira ku bwakyabazinga era n'aliira mu kifo kyange, atyamenga ku kityamo kyange eky'obwakyabazinga. Era ntyo bwe ndidha okukola olwaleero.’ ”

1 Bakyabazinga 1:35

Eyo mwidha kuvaayo nga mumunonereza, aidhe atyame ku kityamo kyange eky'obwakyabazinga kuba n'aidha okuba kyabazinga mu kifo kyange. Era mmutairegho okuba omufuzi wa Isiraeli ni Buyudaaya.”

1 Bakyabazinga 1:48

era yasaaka Katonda ati, ‘Musengwa Katonda, Katonda wa Isiraeli asaakibwe, oyo aghaire omulala ku b'omusaayi gwange okutyama ku kityamo kyange eky'obwakyabazinga, era n'anganha okuba omulamu ni mbona ku ekyo.’ ”

1 Bakyabazinga 2:12

Agho Solomoni yaasikira lata we Daudi ku bwakyabazinga, era obwakyabazinga bwe bwaba bugumu bwene.

1 Ebyomubyanda 28:5

Musengwa Katonda oyo yampa abaana kamaala era mu batabane bange boonaboona, yaalondamu Solomoni okutyama ku kityamo eky'obwakyabazinga bwa Isiraeli, Musengwa Katonda mwene oyo bwe yataagho.

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 33:21

Era ntyo bwe nkoze endagaano n'omugheereza wange Daudi, nti buliidho ghaidha kubangagho omuntu ku baidhukulu be anaabanga kyabazinga. Era naakola endagaano nti buliidho ghaidha kubangagho bakabona ab'omu kika kya Levi abanampeerezanga. Era endagaano edho ghazira asobola kudhimenhagho.

Amateeka Agokubiri 17:18

Bw'alityama ku kityamo kye eky'obwakyabazinga, alyeghandiikira amateeka gano mu kitabo ng'agatoola mu ekyo ekiri ni bakabona Abalevi.